‘रोज 3 तास मेकअप, मुलगी झाली नाराज’, नवाजुद्दीन सिद्दीकीनं सांगितलं स्त्री भूमिका करणं किती कठीण

चित्रपटात मुलगी बनण्यावर नवाजुद्दीन सिद्दीकी काय म्हणाला?

नवाजुद्दीन सिद्दीकीच्या फिमेल लुकची सर्वत्र चर्चा होत आहे. नवाजुद्दीन सिद्दीकीने बॉम्बे टाइम्सशी बोलताना आपल्या भूमिकेबद्दल काही खास गोष्टी शेअर केल्या आहेत. नवाजुद्दीन म्हणाला ”आम्ही बोनचे शूटिंग सुरू केले आहे. हा एक रिवेंज ड्रामा आहे. चित्रपटात माझी दोन पात्रे असतील. बोनमध्ये मी स्त्री आणि ट्रान्सजेंडरच्या भूमिकेत दिसणार आहे. या दोन्ही वेगवेगळ्या भूमिका आहेत, म्हणजे चित्रपटात माझी दुहेरी भूमिका असणार आहे.”

नवाजुद्दीन सिद्दीकी पुढे म्हणाला ”चित्रपटाचे दिग्दर्शक अक्षत अजय शर्मा यांना गेल्या 4 वर्षांपासून हा चित्रपट बनवायचा होता. मी त्याला खूप दिवसांपासून ओळखतो आणि आता आम्ही चित्रपट करत आहोत.

अर्चना पूरण सिंह सोबतच्या तुलनेवर नवाजुद्दीन सिद्दीकी काय म्हणाला?

अनेक सोशल मीडिया युजर्सनी नवाजुद्दीनच्या फिमेल लूकची तुलना अर्चना पूरण सिंहसोबत केली आहे. यावर बोलताना नवाजुद्दीन म्हणाला की, त्याने त्याच्या लुकसाठी कोणाकडूनही प्रेरणा घेतली नाही. ”जर मी स्त्री पात्र साकारत असेल तर मला स्त्रीसारखा विचार करावा लागेल आणि एक अभिनेता म्हणून ही माझी परीक्षा आहे. आउटफिट, केस, मेकअप, हे सगळं ठीक आहे… माझं टेन्शन नाही” असे नवाजुद्दीन म्हणाला.