नाशिकच्या रूग्णालयात Oxygen ची गळती, 22 जणांचा मृत्यू

नाशिकच्या झाकिर हुसैन रूगणालयात ऑक्सिजन टँकरमधून ऑक्सिजनची गळती झाल्याने 22 जणांचा मृत्यू झाला आहे. राज्याचे आरोग्यमंत्री राजेश टोपे आणि नाशिक महापालिकेचे आयुक्त कैलास जाधव यांनीही 22 रूग्णांचा मृत्यू झाल्याची माहिती दिली आहे. या दुर्घटनेनंतर या परिसरात नातेवाईकांचा आक्रोश सुरू आहे. या ठिकाणी अग्निशमन दलाचं पथक आणि पोलीसही दाखल झाले आहेत. नाशिकच्या डॉ. झाकिर हुसैन रूग्णालयात ही घटना घडली आहे.