प्रियांका आणि निक जोनास झाले आई-बाबा, सोशल मीडियावर सांगितली आनंदाची बातमी

गेल्या काही वर्षांपासून सरोगसीच्या माध्यमातून अनेक सेलिब्रेटींनी आई-वडील होण्याचा मार्ग स्विकारला यात आता प्रियांका आणि निकचाही समावेश झाला आहे. प्रियांकाने ही आनंदाची बातमी दिली असली तरीही तिना या खास प्रसंगी आपल्या परिवारासोबत एकातांची मागणी केली आहे. त्यामुळे प्रियांकाच्या घरी आलेला नवीन पाहुणा हा मुलगा आहे की मुलगी हे अद्याप कळलेलं नाही.

View this post on Instagram

A post shared by Priyanka (@priyankachopra)

प्रियंका चोप्रा आणि निक जोनास यांनी डिसेंबर २०१८ साली पारंपरिक भारतीय पद्धतीनं लग्न केलं होतं. यानंतर तीन वर्षांच्या कालावधीनंतर ते आई-बाबा झाले आहेत. मध्यंतरी प्रियांका आणि निक यांच्यासंबंधी अनेक बातम्या प्रसारमाध्यमांमध्ये येत होत्या, या सर्व बातम्यांना आता पूर्णविराम मिळाला आहे.

राजस्थानमधल्या जोधपूरच्या उमेद भवन पॅलेसमध्ये या दोघांच्या लग्नाचा भव्य सोहळा पार पडला होता. निक म्हणजेच निकोलस जेरी जोनास हा अमेरिकन गायक, अभिनेता आणि रेकॉर्ड प्रोड्युसर आहे. वयाच्या ७ व्या वर्षी त्याने अभिनयाला सुरुवात केली होती.