सचिन वाझेंचे मालक काँग्रेस, राष्ट्रवादी आणि शिवसेनेत बसले आहेत-फडणवीस

महाराष्ट्राची जेवढी बदनामी वाझे प्रकरणामुळे झाली आहे तेवढी दुसऱ्या कोणत्याही प्रकरणाने झालेली नाही. नवाब मलिक हे का चिंतेत आहेत ते मला व्यवस्थित माहित आहे कारण त्यामुळे सत्तेत असणाऱ्या अनेकांचं बिंग फुटतंय. मी केंद्रीय गृह सचिवांना जे पत्र दिलं आहे त्यामुळे सत्ताधाऱ्यांना चिंता वाटू लागली आहे असं देवेंद्र फडणवीस यांनी नागपूरमध्ये म्हटलं आहे. ज्या रिपोर्टमुळे महाराष्ट्र पोलिसांची बदनामी झाली तो रिपोर्ट तर नवाब मलिक यांनीच पत्रकारांना दिला. मी तर फक्त कव्हरिंग लेटर दिलं होतं. सर्वात जास्त बदनामी झाली आहे ती वाझे प्रकरणामुळेच आणि सत्तेत बसलेल्या त्यांच्या मालकांना आता चिंता वाटू लागली आहे.