शरद पवारांना मी खुर्ची दिली यामध्ये कुणाच्या पोटात दुखण्याचं कारण काय?-संजय राऊत

दोघांच्या संसारात रोज खडखडाट व्हायचा, तिघांचा संसार उत्तम चालला आहे-संजय राऊत

नेमकं काय म्हणाले संजय राऊत?

शरद पवार यांना मी खुर्ची दिली यामध्ये कुणाच्या पोटात दुखण्याचं कारण काय? शरद पवारांनी महाराष्ट्रात इतक्या लोकांना सत्तेच्या खुर्च्या दिल्या आहेत. अशात मी खुर्ची दिली यावरून त्रास कशाला होतो आहे लोकांना? मी आंदोलनात ज्येष्ठ नेत्यांना बोलावलं होतं. अशात जर काही नेत्यांना त्रास असेल आणि त्यांना खुर्ची दिली तर ती आपली संस्कृती आहे. मल्लिकार्जुन खरगे तिथे आले होते त्यांना मी खुर्ची दिली. मुलायम सिंग यादव आले होते त्यांनाही बसायला खुर्ची दिली.

भाजपचे ज्येष्ठ नेते लालकृष्ण अडवाणी हे जरी त्या ठिकाणी आले असते तर मी त्यांनाही खुर्ची दिली असती. आमच्यावर बाळासाहेब ठाकरेंचा राजकीय संस्कार आहे. पण महाराष्ट्रात यावरून काय राजकारण केलं आहे त्यांना काय कळतं? त्यांचं राजकारण या पातळीवर आल्यानेच आम्हाला त्यांना सोडावं लागलं असं म्हणत संजय राऊत यांनी भाजपला टोला लगावला आहे.

काय आहे प्रकरण?

दिल्लीत संसदेच्या हिवाळी अधिवेशनाच्या वेळी पहिल्या दिवशी बारा खासदारांना निलंबित करण्यात आलं. त्यानंतर खासदारांनी संसद भवनातील महात्मा गांधींच्या पुळ्यासमोर आंदोलन सुरू केलं. यामध्ये शिवसेना खासदार प्रियंका चतुर्वेदी आणि अनिल देसाई यांचाही समावेश होता. या आंदोलनातील खासदारांशी चर्चा करण्यासाठी जेव्हा शरद पवार त्या ठिकाणी गेले तेव्हा शिवसेना खासदार संजय राऊतही तिथे उपस्थित होते. शरद पवारांना पाहताच संजय राऊत यांनी त्यांना खुर्ची आणू दिली. हा फोटो तिथे असलेल्या पत्रकारांनी टीपला आणि तो व्हायरलही झाला. ज्यावरून महाराष्ट्रात संजय राऊत यांना चांगलंच ट्रोल करण्यात आलं. आज मुंबई तकला दिलेल्या एक्सक्लुझिव्ह मुलाखतीत संजय राऊत यांनी यासंदर्भातला प्रश्नाला आपल्या रोखठोक शैलीत उत्तर दिलं आहे.