CCTV: शिंदे गटाच्या शाखाप्रमुखाला जागीच केलं ठार, उल्हासनगर हादरलं!
Ulhasnagar Crime: उल्हासनगरमध्ये 7 ते 8 जणांच्या टोळीकडून शिंदे गटाच्या शाखाप्रमुखाची अत्यंत निर्घृणपणे हत्या करण्यात आल्याची घटना समोर आली आहे. या हत्येनंतर सर्व आरोपी हे फरार झाले आहेत. या घटनेनंतर परिसरात घबराट पसरली आहे.
ADVERTISEMENT
Crime News: उल्हासनगर: मुख्यमंत्री एकनाथ शिंदे (CM Eknath Shinde) यांचा ठाणे जिल्हा हा बालेकिल्ला मानला जातो. मात्र याच ठाणे जिल्ह्यातील उल्हासनगरमध्ये (Ulhasnagar) त्यांच्याच शिवसेना (Shivsena) पक्षाच्या शाखाप्रमुखाची (Shakhapramukh) निर्घृण हत्या झाली आहे. मिळालेल्या माहितीनुसार, शिवसेना शाखाप्रमुख शब्बीर शेख याची काल (26 मे) हत्या झाल्याची घटना समोर आली आहे. 7 ते 8 जणांच्या एका टोळीने धारधार चाकूने शब्बीरची हत्या केली आहेत. ह्या हल्ल्यानंतर सर्व आरोपी हे फरार झाले आहे. मात्र, ही संपूर्ण घटना सीसीटीव्ही (CCTV) कॅमेऱ्यात कैद झाली आहे. (shinde group ulhasnagar branch chief brutally murdered by 7 to 8 people outside his house thrill captured on CCTV)
नेमकी घटना काय?
उल्हासनगर कॅम्प नंबर 5च्या जय जनता कॉलनी परिसरात रात्री 11 वाजण्याच्या सुमारास शिवसेना शाखाप्रमुख शब्बीर शेख हा घराबाहेर उभा असताना अचानक आलेल्या 7 ते 8 जणांच्या टोळीने धारधार चाकूने शब्बीरवर सपासप वार केले. हा अचानाक झालेला हल्ला एवढा भयंकर होता की, ज्यामध्ये शब्बीरचा जागीच मृत्यू झाला.
शब्बीरला रक्ताच्या थारोळ्यातच नजीकच्या रुग्णालयात नेण्यात आलं. मात्र, डॉक्टरांनी त्याला मृत घोषित करत त्याचा मृतदेह शवविच्छेदनासाठी उल्हासनगरच्या मध्यवर्ती रुग्णालयात पाठवून दिलं. ही हत्या विक्रम कवठणकर आणि त्याच्या इतर साथीदारांनी केली असल्याची माहिती सूत्रांकडून मिळत आहे.
हे ही वाचा >> Sangli: मामीने मांत्रिकाकडे नेलं, भाच्याचा जीवच गेला; असं घडलं तरी काय?
पूर्ववैमनस्यातून ही हत्या झाल्याचं संशय पोलिसांनी वर्तवला आहे. ह्या हत्याचा थरार सीसीटीव्ही कॅमेऱ्यात देखील कैद झाला आहे, ह्या घटनेची माहिती सहाय्यक पोलीस आयुक्त मोतीचंद राठोड, वरिष्ठ पोलीस निरीक्षक रणजित डेरे, मधुकर कड, राजेंद्र कोते यांना मिळताच त्यांनी तात्काळ घटनास्थळी धाव घेऊन सीसीटीव्ही फुटेजच्या आधारे आरोपींचा शोध सुरू केला आहे.
हे वाचलं का?
