सिंधुदुर्ग: नितेश राणे 2 दिवसांनी फेसबुकवर अॅक्टिव्ह, शेअर केला फोटो; म्हणतात ‘गाडलाच..’
मुंबई: सिंधुदुर्ग जिल्हा मध्यवर्ती बँकेच्या निवडणुकीत 19 पैकी तब्बल 11 जागांवर भाजपने विजय मिळवत महाविकास आघाडीला धोबीपछाड दिलं आहे. पण ही निवडणूक खऱ्या अर्थाने रंगली ती राणे विरुद्ध शिवसेना अशीच. त्यातही ही निवडणूक आणखी एका वेगळ्या कारणामुळेच चर्चेत आली. ती म्हणजे कणकवलीतील संतोष परब यांच्यावरील हल्ल्याप्रकरणी आमदार नितेश राणे हे संशयित आरोपी आहेत. जे गेल्या […]
ADVERTISEMENT
मुंबई: सिंधुदुर्ग जिल्हा मध्यवर्ती बँकेच्या निवडणुकीत 19 पैकी तब्बल 11 जागांवर भाजपने विजय मिळवत महाविकास आघाडीला धोबीपछाड दिलं आहे. पण ही निवडणूक खऱ्या अर्थाने रंगली ती राणे विरुद्ध शिवसेना अशीच. त्यातही ही निवडणूक आणखी एका वेगळ्या कारणामुळेच चर्चेत आली. ती म्हणजे कणकवलीतील संतोष परब यांच्यावरील हल्ल्याप्रकरणी आमदार नितेश राणे हे संशयित आरोपी आहेत. जे गेल्या काही दिवसांपासून नॉट रिचेबल आहेत. असं असताना आजच्या एकहाती विजयानंतर थेट फेसबुक पोस्टच नितेश राणेंनी शेअर केली आहे.
सिंधुदुर्ग जिल्हा बँकेचे अध्यक्ष सतीश सावंत यांचे प्रचारप्रमुख संतोष परब यांच्यावर कणकवलीत झालेल्या प्राणघात झालेल्या हल्ल्याप्रकरणी नितेश राणे हे संशयित आरोपी आहेत.
सतीश सावंतांचा ईश्वरचिठ्ठीने पराभव
जिल्हा बँकेच्या निवडणुकीत राणे विरुद्ध सतीश सावंत अशी काँटे की टक्कर पाहायला मिळाली. मात्र या निवडणुकीत भाजपच्या विठ्ठल देसाई यांनी सतीश सावंत यांचा ईश्वर चिठ्ठीने पराभव केला. दोन्ही उमेदवारांना समसमान मतं पडल्याने अखेर ईश्वर चिठ्ठीने हा या निवडणुकीचा निकाल लागला. ज्यामध्ये सतीश सावंत यांना पराभव स्वीकारावा लागला.
तर दुसरीकडे या संपूर्ण निवडणुकीत महाविकास आघाडीचा अक्षरश: धुव्वा उडाला आहे. कारण यावेळी 19 पैकी 11 जागांवर भाजपने विजय मिळवला आहे. तर महाविकास आघाडीला 8 जागांवरच विजय मिळाला आहे.
याच विजयानंतर नॉट रिचेबल असलेले नितेश राणे सोशल मीडियावर मात्र अचानक अॅक्टिव्हेट झाले आहेत. फेसबुकवर त्यांनी एक फोटो शेअर केली आहे ज्यामध्ये नितेश राणेंच्या पायाखाली सतिश सावंत यांचा फोटो आहे. ज्याला कॅप्शन ‘गाडलाच’ असं देण्यात आलं आहे.
संशयित आरोपी मनिष दळवी निवडणुकीत विजयी; विलास गावडेंना धक्का
वेंगुर्ला विकास संस्थेतून भाजप पुरस्कृत मनिष दळवी यांचा विजय झाला आहे. तर महाविकास आघाडीच्या विलास गावडे यांना धक्का बसला आहे. 23 पैकी 13 मते ही मनिष दळवी यांना पडली आहेत तर 8 मते विलास गावडे यांना मिळाली आहेत. वेंगुर्ला तालुक्यातून भाजपचा हा मोठा विजय म्हणावा लागेल.
संतोष परब हल्ला प्रकरणात न्यायालयाने दळवी यांना मतदानाचा हक्क नाकारला होता. तसेच त्यांना जामीन देखील नाकारण्यात आला होता. असे असतानाही दळवी यांनी विजय मिळवला आहे.
पाहा सिंधुदुर्ग जिल्हा बँकेच्या निवडणुकीचा संपूर्ण निकाल
भाजप वि. महाविकास आघाडी
-
राजन कृष्णा तेली 63 विरुद्ध सुशांत श्रीधर नाईक 78 (विजयी)
अतुल सुधाकर काळसेकर 44 (विजयी) विरुद्ध सुरेश यशवंत दळवी 26
गजानन सुमंत गावडे 110 (विजयी) विरुद्ध लक्ष्मण आनंद आंगणे 85
महेश रमेश सारंग 33 (विजयी) विरुद्ध मधुसुदन केशव गावडे 27
संदिप उर्फ बाबा मधुकर परब 68 (विजयी ) विरुद्ध विनोद रामचंद्र मर्गज 54
समीर रमाकांत सावंत 110 (विजयी ) विरुद्ध विकास भालचंद्र सावंत 85
मनीष प्रकाश दळवी 13 (विजयी ) विरुद्ध विलास प्रभाकर गावडे 8
गुरूनाथ शंकर पेडणेकर 16 विरुद्ध विद्याधर रविंद्रनाथ परब 17 (विजयी)
प्रकाश सखाराम गवस 5 विरुद्ध गणपत दत्ताराम देसाई 7 (विजयी)
विठ्ठल दत्ताराम देसाई (विजयी) विरुद्ध सतीश जगन्नाथ सावंत
प्रकाश जगन्नाथ मोर्ये 15 विरुद्ध विद्याप्रसाद दयानंद बांदेकर 20 (विजयी)
प्रकाश विष्णू बोडस 19 (विजयी) विरुद्ध अविनाश मनोहर माणगांवकर 17
कमलाकांत उर्फ बाळू धर्माजी कुबल 11 विरुद्ध व्हिक्टर फ्रान्सिस डान्टस 19 (विजयी)
दिलीप मोहन रावराणे 11 (विजयी) विरुद्ध दिगंबर श्रीधर पाटील 9
अस्मिता दत्तात्रय बांदेकर 459 (विजयी) विरुद्ध अनारोजीन जॉन लोबो 457
प्रज्ञा प्रदिप ठवण 480 विरुद्ध निता रणजितसिंग राणे 503 (विजयी)
सुरेश ज्ञानदेव चौकेकर 458 विरुद्ध आत्माराम सोमा ओटवणेकर 506 (विजयी)
रविंद्र मनोहर मडगांवकर 484 ( विजयी ) विरुद्ध मनिष मधुकर पारकर 481
गुलाबराव शांताराम चव्हाण 451 विरुद्ध मेघनाद गणपत धुरी 517 (विजयी)