ST Strike : निलंबनाच्या धास्तीने एसटी कर्मचाऱ्याने घेतलं विष; मृत्यूशी झुंज सुरू
राज्यातील एसटी कर्मचाऱ्यांचा संप दिवसेंदिवस लांबतच चालला आहे. 11 दिवसांपासून सुरू असलेल्या संपामुळे प्रवाशांचे हाल होत असून, एसटी महामंडळाकडून कर्मचाऱ्यांविरुद्ध निलंबनाच्या कारवाईचं अस्त्र उगारलं आहे. निलंबनाच्या याच भीतीतून बुलढाणा जिल्ह्यात संपात सहभागी झालेल्या एका एसटी कर्मचाऱ्याने विषारी द्रव्य प्राशन केल्याची घटना घडली आहे. त्याला उपचारासाठी अकोल्याला हलवण्यात आलं आहे. बुलढाणा जिल्ह्यातील खामगाव डेपोमध्ये कार्यरत असलेल्या […]
ADVERTISEMENT
राज्यातील एसटी कर्मचाऱ्यांचा संप दिवसेंदिवस लांबतच चालला आहे. 11 दिवसांपासून सुरू असलेल्या संपामुळे प्रवाशांचे हाल होत असून, एसटी महामंडळाकडून कर्मचाऱ्यांविरुद्ध निलंबनाच्या कारवाईचं अस्त्र उगारलं आहे. निलंबनाच्या याच भीतीतून बुलढाणा जिल्ह्यात संपात सहभागी झालेल्या एका एसटी कर्मचाऱ्याने विषारी द्रव्य प्राशन केल्याची घटना घडली आहे. त्याला उपचारासाठी अकोल्याला हलवण्यात आलं आहे.
बुलढाणा जिल्ह्यातील खामगाव डेपोमध्ये कार्यरत असलेल्या विशाल प्रकाश अंबळकार यांनी निलंबनच्या चिंतेतून विष प्राशन केल्याचं त्यांच्या वडिलांनी सांगितलं. विशाल अंबळकार गेल्या ११ दिवसांपासून सुरू असलेल्या एसटी कर्मचाऱ्यांच्या संपात सहभागी झालेले आहेत.
संपात सहभागी झालेल्या आणि कामावर परतण्यास इच्छुक असलेल्या कर्मचाऱ्यांना विरोध करणाऱ्या काही कर्मचाऱ्यांवर एसटी महामंडळाकडून निलंबनाची कारवाई करण्यात आलेली आहे. निलंबनाच्या याच चिंतेतून 29 वर्षीय विशाल अंबळकार यांनी विष प्राशन केलं.
