‘56 टक्के कमिशन’, वर्षभरापूर्वी बांधलेला नांदेडमधील उड्डाणपूल कोसळताच अंबादास दानवेंची पोस्ट
nanded flyover collapse : नांदेडमधील उड्डाणपुलाचा भाग कोसळल्यानंतर ठाकरे गटाचे आमदार अंबादास दानवे यांनी "56 टक्के कमिशन" असा उल्लेख करत सोशल मीडियावर पोस्ट केली.
ADVERTISEMENT
बातम्या हायलाइट
‘56 टक्के कमिशन’
वर्षभरापूर्वी बांधलेला नांदेडमधील उड्डाणपूल कोसळताच अंबादास दानवेंची पोस्ट
nanded flyover collapse : नांदेड शहरातील नांदेड-लातूर रोडवरील एसजीजीएस महाविद्यालयासमोरील उड्डाणपुलाचा एक भाग कोसळल्यानंतर या घटनेवरून राजकीय प्रतिक्रिया उमटू लागल्या आहेत. ठाकरे गटाचे विधानपरिषदेचे विरोधी पक्षनेते अंबादास दानवे यांनी या घटनेच्या पार्श्वभूमीवर सोशल मीडियावर एक पोस्ट शेअर केली आहे. त्यांनी "महाराष्ट्राचे लुटेरे.." असा मजकूर लिहित पूल कोसळल्याच्या ठिकाणाचा AI फोटो पोस्ट केला आहे. या फोटोमध्ये मुख्यमंत्री देवेंद्र फडणवीस यांचा फोटो आणि "56% कमिशन" असा मजकूर असलेला फलक दाखवण्यात आला आहे. दानवेंच्या या पोस्टची सोशल मीडियावर चर्चा सुरू झाली आहे.
हेही वाचा : Personal Finance: दरमहा 2 हजार गुंतवा आणि 42 हजार परत मिळवा, लखपती बनण्याचा फॉर्म्युला!
दुर्घटनेत दोन जण किरकोळ जखमी
नांदेड शहराजवळ एसजीजीएस कॉलेजसमोरील उड्डाणपुलाचा एक भाग आज सकाळी सुमारे 11 वाजण्याच्या सुमारास कोसळला. ही संपूर्ण घटना सीसीटीव्ही कॅमेऱ्यात कैद झाली आहे. नांदेड-लातूर महामार्गावरील या उड्डाणपुलाचे काम वर्षभरापूर्वी पूर्ण झाले होते. एसजीजीएस महाविद्यालय आणि शासकीय रुग्णालय परिसर असल्याने या भागात मोठ्या प्रमाणावर वाहतूक सुरू असते. या दुर्घटनेत दोन जण किरकोळ जखमी झाले असून कोणतीही मोठी जीवितहानी झालेली नाही. या घटनेनंतर पूल आणि सर्व्हिस रोडवरील वाहतूक बंद करण्यात आली असून नांदेडहून लातूरकडे जाणाऱ्या वाहनांना पर्यायी मार्गाचा वापर करावा लागत आहे. कोसळलेल्या भागाच्या दुरुस्तीचे काम सुरू करण्यात आले आहे.
हेही वाचा : Personal Finance: दरमहा 2 हजार गुंतवा आणि 42 हजार परत मिळवा, लखपती बनण्याचा फॉर्म्युला!
