KCR यांची दणक्यात एन्ट्री; ४ माजी आमदार अन् शेकडो कार्यकर्त्यांसह फोडला नारळ

नांदेड (कुवरचंद मंडले) : तेलंगणाचे मुख्यमंत्री के. चंद्रशेखर (K. Chandrashekhar Rao) राव यांच्या भारत राष्ट्र समिती अर्थात बीएसआर (BSR) पक्षाने महाराष्ट्रात (Maharashtra) दणक्यात एन्ट्री केली. रविवारी नांदेड येथे आयोजित सभेत महाराष्ट्रातील चार माजी आमदारांनी आणि त्यांच्या शेकडो कार्यकर्त्यांनी बीएसआर पक्षात प्रवेश केला. यावेळी बोलताना मुख्यमंत्री राव यांनी शेतकरी योजना, महिला योजना अशा विविध मुद्द्यांवर भाष्य करत केंद्र सरकार आणि राज्य सरकारवर टीका केली. (Telangana cm KCR’s entry in maharashtra with a bang; 4 Ex-MLAs and hundreds of activists join bsr)

नांदेड येथे आयोजित सभेत के. चंद्रशेखर राव यांच्या उपस्थितीत ४ माजी आमदारांनी बीएसआर पक्षात प्रवेश केला. यात गडचिरोलीचे माजी आमदार दीपक आत्राम, उदगीरचे माजी आमदार मोहन पटवारी आणि यवतमाळचे माजी आमदार राजू तोडसाम, ठाण्याचे दिगंबर भिसे यांचा समावेश आहे. तसंच संभाजी ब्रिगेड किसान आघाडीचे प्रदेशाध्यक्ष संतोष गव्हाणे, ढोलीराम काळदाते या नेत्यांनीही के. चंद्रशेखर राव यांच्यासह जाणं पसंत केलं.

Narayan Rane यांची ठाकरेंच्या आमदाराला धमकी? ‘त्या’ वक्तव्यानंतर वाढला वाद

भारत राष्ट्र समितीचा विस्तार तेलंगणाबाहेर करण्याच्या दृष्टीने के.चंद्रशेखर राव यांनी नांदेडमधून सुरुवात केली. याला महाराष्ट्रातून त्यातही गडचिरोली जिल्ह्यातून चांगला प्रतिसाद मिळाल्याचं बोललं जात आहे. माजी आमदार दीपक आत्राम यांच्यासह काही जिल्हा परिषद सदस्य, पंचायत समिती सदस्य, सरपंच यांनी भारत राष्ट्र समितीत प्रवेश केला. बीआरएस आगामी काळात स्थानिक स्वराज्य संस्था तसेच येत्या विधानसभा निवडणुका लढणार असल्याचं यावेळी सांगण्यात आलं.

Balasaheb Thorat यांनी मौन सोडलं! तांबेंचं अभिनंदन करत म्हणाले, ‘जे झालं ते…’

दरम्यान, नांदेड जिल्ह्यातील काही सीमावर्ती गावांनी तेलंगणात येण्याची इच्छा व्यक्त केली होती. आपल्याला महाराष्ट्रात सुविधा मिळत नाहीत, असा दावा काही गावांनी केला होता. याबाबत विचारलं असता जुक्कल विधानसभा मतदारसंघाचे आमदार हनुमंत शिंदे म्हणाले, महाराष्ट्रातून तेलंगणात यायची त्यांना यायची गरज नाही. तेलंगणातील सुविधा देण्यासाठी आम्हीच महाराष्ट्रात येणार आहोत. त्यादृष्टीने आज नांदेडमधून सुरुवात झाल्याचं माजी आमदार दीपक आत्राम म्हणाले.