Crime Diary: एकही गोळी न झाडता मुंबईवर 30 वर्ष राज्य करणारा पहिला डॉन

Don Haji Mastan: मुंबई: अंडरवर्ल्ड (Underworld) म्हणलं की आपल्या डोळ्यासमोर येतात ते खून, खंडण्या आणि मारामाऱ्या, पण मुंबईमधला एक डॉन असा होता की त्याने त्यांच्या अख्ख्या आयुष्यात एकही मर्डर केला नाही, ना कोणाला स्वतःच्या हातांनी मारहाण केली. कोणावर एक गोळीसुद्धा झाडली नाही. पण जवळपास वीस वर्ष त्याने मुंबईच्या (Mumbai) अंडरवर्ल्डवर सलग राज्य केलं, या वीस वर्षात एकही मर्डरचा गुन्हा त्याच्या विरोधात दाखल झाला नाही. या डॉनबद्दल एक गोष्ट अशीही सांगितले जाते ती म्हणजे एकदा त्याला अटक करण्यात आली होती. तेव्हा या डॉनने थेट देशाच्या पंतप्रधान असलेल्या इंदिरा गांधींना निरोप पोहोचवला होता की मागाल तेवढे पैसे देतो पण सोडून द्या, इतका त्याचा दबदबा होता. (the first don to rule mumbai for 30 years without firing a shot crime diary haji mastan)

मुंबई पोलीस जेव्हा अंडरवर्ल्डबद्दल बोलतात तेव्हा ते एक गोष्ट कायम हटकून सांगतात ती म्हणजे मुंबईतला अंडरवर्ल्ड कधीही संपू शकत नाही. पण मुंबईत अंडरवर्ल्ड अस्तित्वात राहणार असेल तर ते या डॉनच्या काळात जसं होतं तसं असावं. कारण या डॉनच्या अंडरवर्ल्डने कधी सामान्य लोकांना त्रास दिला नाही त्यांचा रक्त कधी सांडलं नाही.

मुंबईतल्या कुठल्याही माणसाला विचारलं की मुंबईमधला पहिला डॉन कोण? तर एकच नाव समोर येतं ते म्हणजे हाजी मस्तान… (Haji Mastan)