भाजपच्या मिशन बारामतीचं पहिलं यश! सुप्रिया सुळेंना इंदापूरमधे झटका

भाजपच्या मिशन बारामतीत सुप्रिया सुळेंना पहिला झटका देण्यात भाजपला यश मिळालं आहे. भाजपने इंदापूरमधला एक महत्त्वाचा नेता फोडला आहे. त्यामुळे निर्मला सीतारामन यांच्या दौऱ्यानंतर हे पहिलं यश मानलं जातं आहे. लोकसभा निवडणुकीच्या पार्श्वभूमीवर सुप्रिया सुळेंना पहिला झटका देण्यात भाजपने बाजी मारली आहे. बारामतीतला आक्रमक चेहरा अशी ओळख असलेल्या एका महिला नेत्याने हातात कमळ घेतलं आहे. सुप्रिया सुळे आणि शरद पवार यांच्यासाठी हा धक्का मानला जातो आहे.

डॉ. अर्चना पाटील यांचा भाजपमध्ये प्रवेश

राष्ट्रवादी काँग्रेस पक्षाच्या सातारा जिल्हा महिला आघाडीच्या जिल्हा निरीक्षक डॉ. अर्चना पाटील यांनी भाजपचा झेंडा हाती घेतला आहे. भारतीय जनता पक्षाचे प्रदेशाध्यक्ष चंद्रशेखर बावनकुळे यांच्या उपस्थितीत मुंबईतल्या पक्ष कार्यालयात अर्चना पाटील यांनी भाजपचं कमळ हाती घेतलं आहे.

निर्मला सीतारामन जेजुरीच्या खंडोबा चरणी लीन, मिशन बारामती यशस्वी होण्यासाठी मागितला आशीर्वाद?