कलियुगातले दानशूर कर्णच! भारतातल्या ‘या’ १५ उद्योजकांनी केली १०० कोटींहून अधिक संपत्ती दान

ज्या उद्योगपतींना एकेकाळी श्रेष्ठी, सेठ किंवा लाला असे संबोधले जात होते त्यांना आता अब्जाधीश, करोडपती किंवा बिझनेस टायकून म्हटले जाते. हे बिझनेस टायकून त्यांच्या संपत्तीचा मोठा भाग सामाजिक कारणे आणि कॉर्पोरेट सोशल रिस्पॉन्सिबिलिटी (CSR) साठी दान करतात. आज आम्ही तुम्हाला अशा काही लोकांबद्दल सांगणार आहोत ज्यांनी एका वर्षात 100 कोटी रुपयांहून अधिक दान केले आहे.

पूर्वी असे दानशूर दोनच होते, आता ते 15 झाले आहे EdelGive Hurun Philanthropy List 2022 नुसार, 2018 साली वार्षिक 100 कोटींहून अधिक देणगी देणाऱ्या लोकांची संख्या फक्त 2 होती, ती आता 15 झाली आहे. इतकेच नाही तर 50 कोटींहून अधिक आणि 20 कोटींहून अधिक देणगी देणारे 43 धनकुबेर 2022 च्या यादीत आले आहेत.

शिव नाडर सर्वात मोठे दाता

हुरुनच्या 2022 च्या यादीला सर्वात मोठा देणगीदार शिव नाडर हे एचसीएल टेक्नॉलॉजीजचे संस्थापक आहेत. त्यांनी 1,161 कोटी रुपयांची संपत्ती दान केली आहे. त्यांच्यानंतर अझीम प्रेमजी 484 कोटी रुपयांची देणगी देऊन दुसऱ्या तर मुकेश अंबानी 411 कोटी रुपयांची देणगी देऊन तिसऱ्या क्रमांकावर आहेत.

100 कोटींहून अधिक देणगीदार

या यादीतील टॉप-10 चा विचार केला तर कुमार मंगलम बिर्ला (242 कोटी रुपयांची देणगी) चौथ्या, सुष्मिता आणि सुब्रतो बागची (213 कोटी रुपयांची देणगी) पाचव्या, राधा आणि एनएस पार्थसारथी (213 कोटी रुपयांची देणगी) पाचव्या, गौतम अदानी (रु. 190 कोटी देणगी) सातव्या, अनिल अग्रवाल (रु. 165 कोटी देणगी) आठव्या, नंदन नीलेकणी (रु. 159 कोटी देणगी) नवव्या आणि ए. एम. नाईक (रु. 142 कोटी देणगी) 10 व्या क्रमांकावर आहेत.

त्याचबरोबर झिरोधा येथील निखिल आणि नितीन कामथ यांनी 100 कोटी रुपयांची देणगी दिली आहे. रोहिणी नीलेकणी यांनी 120 कोटी, अजित इसाक यांनी 115 कोटी, राकेश गंगवाल यांनी 100 कोटी आणि सायरस पूनावाला यांनी 112 कोटी रुपयांची देणगी दिली आहे.