डोंबिवली : पुस्तक देण्याच्या बहाण्याने आलेल्या शेजारच्या तरुणाने…; त्या महिलेच्या हत्येचं गूढ उलगडलं
डोंबिवलीतील दावडी परिसरात असलेल्या ओम रेसिडेन्सी इमारतीमध्ये एका विवाहित महिलेचा मृतदेह घरातील सोफा-कम-बेडमध्ये मृतदेह आढळून आला होता. विवाहितेची हत्या करून मृतदेह लपवल्याचं पोलिसांनी प्रथम दर्शनी म्हटलं होतं. या प्रकरणात गूढ अखेर उकललं असून, धक्कादायक माहिती समोर आली आहे. 33 वर्षीय सुप्रिया शिंदे या विवाहित महिलेची शेजारच्या इमारतीत राहणाऱ्या तरुणाने हत्या केल्याचं तपासात उघड झालं आहे. […]
ADVERTISEMENT
डोंबिवलीतील दावडी परिसरात असलेल्या ओम रेसिडेन्सी इमारतीमध्ये एका विवाहित महिलेचा मृतदेह घरातील सोफा-कम-बेडमध्ये मृतदेह आढळून आला होता. विवाहितेची हत्या करून मृतदेह लपवल्याचं पोलिसांनी प्रथम दर्शनी म्हटलं होतं. या प्रकरणात गूढ अखेर उकललं असून, धक्कादायक माहिती समोर आली आहे.
33 वर्षीय सुप्रिया शिंदे या विवाहित महिलेची शेजारच्या इमारतीत राहणाऱ्या तरुणाने हत्या केल्याचं तपासात उघड झालं आहे. आरोपी विशाल घावट याने सुप्रिया शिंदे यांच्यावर अतिप्रसंग करण्याचा प्रयत्न केला. त्याला प्रतिकार केल्यानंतर आरोपीने त्यांची निर्घृण हत्या केली.
डोंबिवली पूर्व भागातील दावडी येथील शिवशक्ती नगर परिसरात ओम रेसिडेन्सी इमारतीमध्ये किशोर शिंदे त्यांची पत्नी सुप्रिया शिंदे आणि दहा वर्षांच्या मुलासह वास्तव्यास आहेत. 15 फेब्रुवारी रोजी किशोर शिंदे नेहमीप्रमाणे सकाळी कामावर गेले, तर त्यांचा मुलगा शाळेत गेला होता. किशोर सायंकाळी घरी परतले तेव्हा यांची पत्नी सुप्रिया घरी नव्हती. त्यांनी तिचा शोध घेतला नातेवाईकांकडे विचारपूस केली, मात्र ती कुठेही आढळून आली नाही.
अखेर रात्रीच्या सुमारास किशोर हे पत्नी हरवल्याची तक्रार देण्यासाठी मानपाडा पोलीस ठाण्यात गेले. याचवेळी घरी असलेल्या नातेवाईकांना सुप्रिया यांचा मृतदेह घरातील सोफा कम बेड सेटमध्ये आढळून आला होता. त्यामुळे एकच खळबळ उडाली होती. मानपाडा पोलिसांनी एसीपी डी. मोरे यांच्या मार्गदर्शनाखाली या प्रकरणाचा तपास सुरु केला.
हे वाचलं का?
