सोनिया आणि राहुल गांधींना ईडीची नोटीस, काँग्रेसच्या दिग्गजांच्या अडचणी वाढणार?

LIVE: Congress Party Briefing by Shri @rssurjewala & Dr. @DrAMSinghvi, at the AICC HQ.https://t.co/CbBc1Y5IrC

— Jagdish Thakor (@jagdishthakormp) June 1, 2022

डरेंगे नहीं, झुकेंगे नहीं सीना ठोकके लडेंगे असं म्हणत रणदीप सूरजेवाला यांनी ही माहिती दिली आहे. महाराष्ट्रात एकीकडे बड्या नेत्यांना नोटीसा धाडल्या जात आहेत त्यानंतर आता दिल्लीत थेट सोनिया गांधी आणि राहुल गांधी यांना नोटीस धाडण्यात आली आहे.

या नोटीशीनंतर काँग्रेसकडून विविध प्रतिक्रिया येत आहेत. काँग्रेसच्या अधिकृत ट्विटर पेजवरून हे ट्विट करण्यात आलं आहे की जर काँग्रेस इंग्रजांच्या अत्याचारांना घाबरली नाही तर ईडीची नोटीस काहीच नाही. सोनिया गांधी, राहुल आणि काँग्रेसची हिंमत कुणीही तोडू शकत नाही. आम्ही लढणार, आम्ही जिंकणार, आम्ही झुकणार नाही आम्ही घाबरणार नाही असं ट्विट काँग्रेसने केलं आहे.

जब कांग्रेस अंग्रेज हुकूमत के अत्याचारों से नहीं डरी, तो ED का नोटिस सोनिया गांधी जी, राहुल गांधी जी और कांग्रेस पार्टी की हिम्मत को क्या ख़ाक तोड़ पाएगा।

हम लड़ेंगे…हम जीतेंगे…हम झुकेंगे नहीं…हम डरेंगे नहीं।

— Congress (@INCIndia) June 1, 2022

रणदीप सुरजेवाला यांनी दिलेल्या माहितीनुसार काँग्रेस अध्यक्षा सोनिया गांधी आणि राहुल गांधी यांना ईडीने चौकशीसाठी नोटीस बजावली आहे. या दोघांनाही ८ जून रोजी चौकशीसाठी हजर राहण्यास ईडीने सांगितलं आहे. नॅशनल हेरॉल्ड प्रकरणात ही नोटीस बजावण्यात आली आहे. मात्र हे सगळं सूडाचं राजकारण आहे असं काँग्रेसने म्हटलं आहे.