Advertisement

फॉक्सकॉन वेदांताचा प्रकल्प महाराष्ट्रातून निसटलाच कसा? राज ठाकरेही आक्रमक

शिंदे फडणवीस सरकारला फॉक्सकॉन वेदांतावरून राज ठाकरेंचाही सवाल
Raj Thackeray Aggressive against Shinde Fadnavis Government
Raj Thackeray Aggressive against Shinde Fadnavis Government

फॉक्सकॉन वेदांताचा प्रकल्प महाराष्ट्रातून गुजरातला गेला आहे. यानंतर आता साहजिकच शिंदे-फडणवीस सरकारवर टीका झाली आहे. या सरकारने प्रयत्न केले नाहीत म्हणूनच हा प्रकल्प महाराष्ट्राच्या बाहेर गेला असं विरोधकांचं म्हणणं आहे. तर आदित्य ठाकरेंनीही टीका केली आहे. खोके सरकारने महाराष्ट्राला असे धोके देऊ नयेत असं भाष्य आदित्य ठाकरेंनी केलं आहे. तर जयंत पाटील, सचिन सावंत अशा महाविकास आघाडीच्या नेत्यांनीही याबाबत सरकारला जबाबदार धरलं आहे. या पाठोपाठ राज ठाकरेही या प्रकरणी आक्रमक झाले आहेत.

Raj Thackeray Aggressive against Shinde Fadnavis Government
फॉक्सकॉन-वेदांताचा प्रोजेक्ट महाराष्ट्रातून गुजरातला जाण्यामागे मोदी सरकार?

काय म्हटलं आहे राज ठाकरे यांनी?

फॉक्सकॉन- वेदांताचा सेमीकंडक्टर बनवण्याचा प्रकल्प महाराष्ट्रातून गुजरातला गेला. ह्या प्रकल्पाची एकूण गुंतवणूक १ लाख ५८ हजार कोटींची आहे. हा प्रकल्प पुण्याजवळ तळेगाव येथे होणार होता. प्रचंड रोजगारनिर्मितीची क्षमता असणारा प्रकल्प महाराष्ट्रातून निसटलाच कसा? हा प्रकार गंभीर आहे. म्हणूनच ह्या विषयाची सखोल चौकशी व्हायलाच हवी. महाराष्ट्र हे गुंतवणूकदारांच्या प्राधान्यक्रमाचं राज्य होतं. अशा राज्यातून गुंतवणुकीचा उलटा प्रवास सुरु होणं हे चांगलं लक्षण नाही. राजकारणाच्या पलीकडे जाऊन ह्या विषयाकडे बघायला हवं. असं ट्विट राज ठाकरे यांनी केलं आहे.

फॉक्सकॉन सेमीकंडक्टर प्रोजेक्ट गुजरातमध्ये होणार

फॉक्सकॉन आणि वेदांता समुहाकडून भारतात उभारण्यात येणारा सेमीकंडक्टर चिप निर्मिती आणि डिस्प्ले फॅब उत्पादन प्रकल्प महाराष्ट्रातील पुणे जिल्ह्यात तळेगाव येथे उभारण्याचे निश्चित झाले होते. मात्र, हा प्रोजेक्ट आता गुजरातमधील अहमदाबाद येथे उभारला जाणार आहे.

Raj Thackeray Aggressive against Shinde Fadnavis Government
Foxconn Semiconductor plant : महाराष्ट्राचा 1.54 लाख कोटींचा मोठा प्रोजेक्ट गुजरातला पळवला

फॉक्सकॉन-वेदांता प्रोजेक्ट महाराष्ट्रातून गुजरातला जाण्यामागे मोदी सरकार?

महाराष्ट्रात प्रस्तावित असलेला आणि तशी घोषणा झालेला फॉक्सकॉन कंपनीचा सेमीकंडक्टर चिप निर्मिती प्रकल्प गुजरातला गेल्यानंतर याला राज्यातील शिंदे-फडणवीस सरकारला जबाबदार धरलं जात आहे. त्याचबरोबर हा प्रोजेक्ट महाराष्ट्रातून गुजरातला जाण्यामागे मोदी सरकार असल्याचं आता विरोधकांनी म्हटलं आहे.

माजी उद्योगमंत्री सुभाष देसाई काय म्हणाले?

"एखादा उद्योग येतो. एखादा उद्योग येत नाही, इथंपर्यंत ठिक आहे, पण हा उद्योग महाराष्ट्राच्या दृष्टीने खूपच महत्त्वाचा होता. या उद्योगामुळे इतर उद्योगांना मोठ्या प्रमाणात चालना मिळाली असती. त्यांच्या अनुषंगानं अनेक कंपन्यांची साखळी तयार झाली असती. सेमीकंडक्टर निर्मिती ज्याची आज जगाला गरज आहे. महाराष्ट्राने यात मोठं योगदान दिलं असतं. असे किती उद्योग केंद्र सरकार... कारण मोठ्या गुंतवणुकीच्या बाबतीत केंद्राचा शब्द महत्त्वाचा ठरतो. तिथे केंद्र सरकार समर्थ असल्यामुळे किती उद्योग महाराष्ट्रातून गुजरातकडे जातील, हे बघत राहण्याची पाळी महाराष्ट्रावर आलीये का असा प्रश्न निर्माण होतो", असं सुभाष देसाई म्हणाले आहेत.

Related Stories

No stories found.
Mumbai Tak
www.mumbaitak.in