विनोद तावडे म्हणाले भाजपमध्ये परत या, एकनाथ खडसेंनी केलं मोठं विधान
Politics of Maharashtra: खडसे यांनी भाजपमध्ये परत यावं असं आवाहन विनोद तावडे यांनी केलं होतं. ज्यावर आता एकनाथ खडसे यांनी देखील मोठं विधान केलं आहे. पाहा खडसे नेमकं काय म्हणाले.
ADVERTISEMENT
Politics of Maharashtra: जळगाव: भाजपचे (BJP) राष्ट्रीय सरचिटणीस विनोद तावडे (Vinod Tawde) यांनी मुंबई Tak च्या ‘चावडी’वर (Mumbai Tak Chawdi) बोलताना राष्ट्रवादी काँग्रेसचे नेते एकनाथ खडसे (Eknath Khadse) यांना थेट भाजपमध्ये येण्याचं आवाहन केलं होतं. मात्र, आता यावरच एकनाथ खडसे यांनी उत्तर दिलं आहे. ‘ज्या पक्षात माझा इतका छळ झाला, अनेक चौकश्या लावण्यात आल्या. त्या पक्षात आता मी पुन्हा जाणार नाही..’ असं म्हणत खडसेंनी तावडेंची भाजप प्रवेशाची शक्यता जवळजवळ धुडकावून लावली. (bjp eknath khadse jalgaon bjp vinod tawde devendra fadnavis ncp)
पाहा एकनाथ खडसे नेमकं काय म्हणाले:
विनोद तावडेंनी चावडीवर बोलताना म्हटलेलं की, खडसेंसारख्या नेत्याने भाजपमध्ये परत यावं. त्यावर मुंबई Tak शी जळगावमध्ये बोलताना खडसे म्हणाले की, ‘विनोद तावडे आणि आम्ही गेले अनेक वर्षे भारतीय जनता पार्टीचे काम करत होतो. भाजपमध्ये विनोद तावडेंचे योगदान खूप आहे. त्यामुळे आगामी निवडणुकांच्या पार्श्वभूमीवर त्यांना वाटत असावे की जुन्या लोकांनी पक्षात यावे. कर्नाटकचा पराभवावरून त्यांना असे वाटले असावे की जुन्या नेत्यांनी पक्षात परत यावे.’
‘मात्र, ज्या पक्षासाठी मी इतकं काही केलं. 2014 पासून माझा ज्या पक्षात छळ झाला. अनेक चौकशी लावण्यात आल्या त्या पक्षात आता मी पुन्हा जाणार नाही. भाजपमध्ये ज्यांच्यावर मोठे-मोठे भ्रष्टाचाराचे आरोप आहेत ते पक्षात येऊन स्वच्छ झाले. अडचणीच्या काळात शरद पवार यांनी मला विधानपरिषद सदस्य बनवून राजकीय विजनवासातून बाहेर काढले. त्यामुळे आता भाजपमध्ये जाण्याचा प्रश्नच नाही.’ अशी प्रतिक्रिया एकनाथ खडसे यांनी दिली.
‘एकनाथ खडसेंनी पुन्हा भाजपमध्ये यावं’
‘ज्या प्रकारे माझी मैत्री असते, संबंध असतात.. तर सगळ्या पक्षातील दु:खी हे माझ्याशी बोलतात. त्याला काही अडचण नसते. केवळ भाजपचेच नाही.. सगळे एकत्र प्रवास करतो.. तेव्हा बोलतात आमच्या पक्षात असं आहे.. ते शेअरिंग असतं. असंही त्यातलं असतं..’
हे वाचलं का?
