Ravindra Waikar : "वायकरांना खासदारकीची शपथ देऊ नका", थेट लोकसभा महासचिवांना नोटीस
Ravindra Waikar : मुंबई उत्तर पश्चिम लोकसभा मतदारसंघाचा निकाल चांगलाच वादात सापडला आहे. आता या प्रकरणी थेट लोकसभा महासचिवांनाच नोटीस पाठवण्यात आली आहे.
ADVERTISEMENT
बातम्या हायलाइट
मुंबई उत्तर पश्चिम लोकसभा मतदारसंघ निकाल
रवींद्र वायकर यांच्या अडचणी वाढणार?
अपक्ष उमेदवाराचे थेट लोकसभा सचिवांना पत्र
Mumbai North West Lok Sabha 2024 : मोदींच्या नेतृत्वाखाली एनडीए सरकार कामाला लागले, तरी मुंबई उत्तर पश्चिम लोकसभा मतदारसंघाच्या निकालाचा वाद निकाली निघालेला नाही. या प्रकरणात आता रवींद्र वायकर यांना लोकसभेचे खासदार म्हणून शपथ देऊ नका, अशी मागणी नोटीसद्वारे करण्यात आली आहे.
'रवींद्र वायकर यांचे निवडणूक जिंकणे वादग्रस्त व शंकास्पद आहे. पारदर्शक व कायदेशीर वातावरणात मतमोजणी झालेली नाही. त्यामुळे त्यांना लोकसभेत खासदार म्हणून शपथ देऊ नये', अशी मागणी उत्तर पश्चिम लोकसभा मतदारसंघातील हिंदू समाज पार्टीचे उमेदवार भरत शाह यांनी केली आहे.
हेही वाचा >> अमोल कीर्तिकर 1 मताने होते आघाडीवर, मग 48 मतांनी कसे झाले पराभूत?
शाह यांनी वकील असीम सरोदे यांच्यामार्फत लोकसभा महासचिव उत्पलकुमार सिंग यांना नोटीस पाठवली आहे. लोकसभा सचिव उत्पलसिंग यांना इमेलद्वारेही हे नोटीस पत्र पाठविल्याची माहिती ॲड.असीम सरोदे यांनी दिली आहे.
रवींद्र वायकरांच्या विजयाबद्दल काय म्हटलंय?
या नोटीसमध्ये नमूद करण्यात आले आहे की, 'भारतात पहिल्यांदा EVM मशीन मतमोजणीबाबत FIR दाखल झाला आहे. त्यामुळे रवींद्र वायकर यांना खासदारकीची शपथ देणे म्हणजे आर्टिकल 99 नुसार संविधान प्रक्रिया अपवित्र करण्याची परवानगी देणे ठरेल.'
हे वाचलं का?
