'को-पायलट नमाजासाठी उठला अन् पाठीमागून...', कॅप्टन स्मितने सांगितलं कॉकपिटमध्ये काय घडलं

नमाजाच्या बहाण्याने सहवैमानिक उठला अन् केला हल्ला 

कॅप्टन स्मित मच्छार यांनी इस्रायलचे पंतप्रधान बेंजामिन नेतान्याहू यांच्याशी झालेल्या फोनवरील संवादात या घटनेचा थरारक घटनाक्रम सांगितला. त्यांच्या म्हणण्यानुसार, 'विमानाचा प्रवास सुरळीत सुरू असताना सहवैमानिक नमाज पठणासाठी उठला. त्यावेळी मी आदर म्हणून मागे तोंड वळवले नाही. तो पुढेच पाहत राहिला.'

'पण काही मिनिटांनंतर त्याने माझ्या डोक्याच्या मागील बाजूस जोरदार प्रहार केला. सुरुवातीला विमानात काहीतरी तांत्रिक बिघाड झाला असावा, असे मला वाटले. मात्र, एकापाठोपाठ एक प्रहार होत राहिल्यानंतर सह-वैमानिकच आपल्यावर हल्ला करत असल्याचे माझ्या लक्षात आले.'

हे ही वाचा>> 'माझ्यावर वार होत होते पण...', भारताचा ढाण्या वाघ कॅप्टन स्मितने PM मोदींना Video Call वर सांगितला सगळा थरार!

'सहवैमानिकाने आपत्कालीन वापरासाठी ठेवलेल्या कुऱ्हाडीने हल्ला केल्याचं त्यावेळी समजलं. सुरुवातीला या हल्ल्यामुळे माझ्या डोळ्यासमोर अक्षरश: अंधार पसरला होता. पहिले काही क्षण नेमकं काय घडतंय हेच मला समजलं नाही.' असं स्मितने नेत्यानाहू यांना सांगितलं.