पक्ष आणि चिन्ह गमावल्यानंतर रोहित पवारांनी घेतली अजित पवारांची भेट, कारण काय?

Rohit Pawar Meet Ajit Pawar : अजित पवार (Ajit Pawar) महायुतीत सामील झाल्यानंतर केंद्रीय निवडणूक आयोगाच्या निकालानुसार राष्ट्रवादी काँग्रेस पक्ष (NCP) आणि पक्षाचे घड्याळ हे चिन्ह त्यांच्या गटाकडे गेले. यावेळी शरद पवार (Sharad Pawar) यांच्या गटाला मोठा राजकीय धक्का बसला. लोकसभा निवडणुकांच्या तोंडावर हा निकाल आल्याने अजित पवार गटाला मोठा दिलासा मिळाला. तर, शरद पवारांच्या 'राष्ट्रवादी काँग्रेस पक्ष- शरदचंद्र पवार' गटाला निवडणूक आयोगाने तुतारी हे चिन्ह दिलं आहे. अशावेळी एक मोठी बातमी समोर आली आहे. पक्ष आणि चिन्ह गमावल्यानंतर रोहित पवारांनी पहिल्यांदाच त्यांचे काका आणि उपमुख्यमंत्री अजित पवार यांची भेट घेतली.