मुंबई महापालिकेच्या निवडणुकीत मनसेच्या विजयी उमेदवारांना 74946 एकूण मतं, टक्केवारीसह अधिकृत माहिती
Mumbai Mahanagar Palika election Results : महापालिका निवडणुकीत एकूण 54,64,412 वैध मते नोंदवली गेली, तर 11,677 मते टपाली मतदानाद्वारे पडली आहेत. यापैकी विविध पक्षांच्या विजयी उमेदवारांना मिळालेल्या मतांची संख्या आणि टक्केवारी महत्त्वाची ठरली आहे. ती सविस्तररित्या जाणून घेऊयात..
ADVERTISEMENT
बातम्या हायलाइट
मुंबई महापालिकेच्या निवडणुकीत मनसेला 74946 मतं
कोणत्या पक्षाला किती मतं? टक्केवारीसह अधिकृत माहिती
Mumbai Mahanagar Palika election Results : मुंबई महापालिकेच्या निवडणुकीत महायुतीने काठावरचे बहुमत मिळवलंय. दुसरीकडे ठाकरे बंधूंना पराभव स्वीकारावा लागलाय. गेल्या 25 वर्षांपासून ठाकरेंच्या शिवसेनेची महापालिकेवर सत्ता होती. मात्र, आता ही सत्ता हातातून गेली आहे. मुंबई महानगरपालिकेच्या 2025–26 च्या सार्वत्रिक निवडणुकीत सर्व राजकीय पक्षांना मिळालेली अधिकृत मते आणि त्यांची टक्केवारी समोर आली असून, या निकालातून मुंबईतील राजकीय समीकरणे स्पष्टपणे दिसून येत आहेत. महापालिका निवडणुकीत एकूण 54,64,412 वैध मते नोंदवली गेली, तर 11,677 मते टपाली मतदानाद्वारे पडली आहेत. यापैकी विविध पक्षांच्या विजयी उमेदवारांना मिळालेल्या मतांची संख्या आणि टक्केवारी महत्त्वाची ठरली आहे.
भाजपला सर्वाधिक मतं, मुंबईतील 21.58 मतदार पाठीशी
या निवडणुकीत भारतीय जनता पार्टी (भाजप) सर्वाधिक मोठा पक्ष ठरला आहे. भाजपचे 89 उमेदवार विजयी झाले असून, त्यांना एकूण 11,79,273 मते मिळाली आहेत. एकूण मतदानाच्या तुलनेत भाजपला 21.58 टक्के मते मिळाली. त्यामुळे मुंबई महापालिकेच्या राजकारणात भाजपचे वर्चस्व पुन्हा अधोरेखित झाले आहे.
ठाकरेंच्या शिवसेनेला 7 लाख 17 हजार 736 मतं; एकूण टक्केवारी 13.13
दुसऱ्या क्रमांकावर शिवसेना (उद्धव बाळासाहेब ठाकरे गट) राहिली आहे. या गटाचे 65 उमेदवार विजयी झाले असून, त्यांना 7,17,736 मते मिळाली आहेत. हे प्रमाण एकूण मतदानाच्या 13.13 टक्केआहे. मुंबईत शिवसेनेचा पारंपरिक प्रभाव अजूनही कायम असल्याचे या आकडेवारीतून दिसून येते.
शिवसेना शिंदे गटाला 5 टक्के मतदान
शिवसेना (शिंदे गट) तिसऱ्या क्रमांकावर राहिली असून, या पक्षाचे 29 उमेदवार विजयी झाले आहेत. शिंदे गटाला 2,73,326 मते मिळाली असून, एकूण मतदानाच्या 5 टक्के मते मिळवण्यात यश आले आहे.
हे वाचलं का?
