Ramdas Kadam : "शिवसेनेच्या उमेदवाराला पाडायचं अन्...", भाजपबद्दल कदमांचा मोठा गौप्यस्फोट
Ramdas Kadam, Shiv Sena BJP Seats allocation for Lok Sabha : शिवसेना आणि भाजपमध्ये लोकसभा जागावाटपावरून संघर्ष उभा राहिला आहे.
ADVERTISEMENT
बातम्या हायलाइट
भाजपबद्दल कदमांचा मोठा गौप्यस्फोट
लोकसभा जागावाटपावरून मोठा पेच
भाजपवर गंभीर आरोप
Ramdas Kadam Latest news : लोकसभा जागावाटपावरून शिंदेंच्या शिवसेनेचे नेते रामदास कदम भाजपविरुद्ध चांगलेच आक्रमक झाल्याचे दिसत आहे. मुंबई Tak शी बोलताना रामदास कदमांनी मोठा गौप्यस्फोट केला. (BJP had caste their votes to nationalist congress party candidates instead of shiv sena, says Ramdas kadam)
मुंबई Tak शी बोलताना रामदास कदम म्हणाले, "महाराष्ट्रामधून आपलीच पोळी भाजून घेण्यासाठी वरच्या नेत्यांचा, मंडळींचा गैरसमज करून कदाचित हे चाललंय असा माझा अंदाज आहे. कारण शाहजी आणि मोदीजी असा अन्याय करणार नाहीत, असा माझा पूर्ण विश्वास आहे."
"महाराष्ट्रात आतापर्यंत तेच झालंय की, शिवसेनेच्या आमदारांना भाजपची मते द्यायची नाही. २०१९ मध्ये दापोलीत निवडणूक झाली. माझा मुलगा मतदारसंघातून उभा होता. भाजपने उघड उघड राष्ट्रवादीला मते टाकली, युती असताना. आणि माझ्या मुलाला पाडण्याचा प्रयत्न केला. असं एकाच ठिकाणी झालं नाही. संबंध महाराष्ट्रात अनेक ठिकाणी झालं आहे", असा गौप्यस्फोट कदम यांनी केला.
भाजपचे आमदार निवडून आणायचे...
रामदास कदम पुढे म्हणाले की, "शिवसेनेच्या उमेदवाराला पाडायचं आणि शिवसेनेची मते घेऊन आपण आपले आमदार निवडून आणायचे आणि जागा वाढवायच्या. हे सातत्याने चाललं आहे, हे थांबलं पाहिजे. यामध्ये मोदी-शाह यांनी स्वतः लक्ष घातलं पाहिजे."
हे वाचलं का?
