Sambhaji Bhide:’संभाजी भिंडेंचा अपमान सहन करणार नाही’, भाजप खासदाराचा इशारा

अनिल बोंडे पत्रकारांशी बोलत होते. यावेळी त्यांनी संभाजी भिडेंच्या वादग्रस्त विधानावर प्रतिक्रिया दिली आहे. संभाजी भिडे गुरूजींचा भाजपशी कुठलाही संबंध नाही, मात्र एक हिंदू व्यक्ती म्हणून मी त्यांच्या पाठीशी असल्याचे विधान अनिल बोंडे यांनी केले आहे. समाजवादी पक्षाचे अबू आझमी भारत माता की जय म्हणणार नाही असे जाहिरपणे बोलतात.नवाब मलिक देखील सर्वाना ठाऊक आहेत. पण या दोघांबद्दल आमदार यशोमती ठाकूर यांचे तोंड बंद असते आणि भिडे गुरूजींचा मात्र त्या अपमान करतात, हे आम्हाला अजिबात सहन होणार नाही, असे बोंडे यांनी म्हटले आहे.

हे ही वाचा : ‘स्वत:चे चरित्रही तपासायची हिंमत ठेवा’, संजय राऊत PM मोदींना असं का म्हणाले?

भिडे गुरूजींना यशोमती ठाकूर यांनी हरामखोर, नालायक म्हटले आहे. मात्र गुरुजींना अशा शब्दात बोलण्याचा त्यांना कोणताच अधिकार नाही आहे. त्यामुळे शेकडो युवकांच्या भावना भडकावल्या आणि समाजात तेढ निर्माण केल्याप्रकरणी त्यांच्या विरोधात गुन्हा दाखल व्हायलाच हवा असे अनिल बोंडे म्हणाले आहेत.

देवेंद्र फडणवीस काय म्हणाले?

“संभाजी भिडे गुरुजींचा भाजपशी काही संबंध नाही. ते त्यांचे स्वतःची संघटना चालवतात, याला जाणीवपूर्व राजकीय रंग देण्याचे काही कारण नाही याचा निषेध करत काँग्रेसचे लोक रस्त्यावर उतरतात तसंच स्वातंत्र्यवीर सावरकरांबद्दल अतिशय गलिच्छ ज्यावेळेस राहुल गांधी बोलतात त्यावेळी त्यांनी त्याचा निषेध केला पाहिजे पण ते करत नाही. कुठल्याही परिस्थितीत महात्मा गांधींचा अपमान सहन केला जाणार नाही”,असं देवेंद्र फडणवीस या प्रकरणावर बोलताना म्हणाले आहेत. तसेच “या संदर्भात जी उचित कारवाई करायची आहे, ती राज्य सरकार करेल. महात्मा गांधी असो, स्वातंत्र्यवीर सावरकर असो… कुणाच्याही विरुद्ध बोललेलं आम्ही खपवून घेणार नाही”, अशी भूमिका फडणवीस यांनी मांडली.

हे ही वाचा : Loksabha सर्व्हे: महाराष्ट्राने शिंदे-अजित पवारांना नाकारलं, NDA ला मिळणार फक्त…