Ujjwal Nikam : पूनम महाजनांचे तिकीट कापून भाजपने ज्यांना उमेदवारी दिली, ते निकम कोण?
Who is Ujjwal Nikam : मुंबई उत्तर मध्य मतदारसंघातून पूनम महाजन यांचे तिकीट कापून भाजपने ज्यांना उमेदवारी दिली ते उज्ज्वल निकम कोण आहेत?
ADVERTISEMENT
बातम्या हायलाइट
उज्ज्वल निकम यांना उत्तर मध्य मतदारसंघातून उमेदवारी
पूनम महाजन यांच्याऐवजी निकमांना उमेदवारी
कोण आहेत उज्ज्वल निकम?
Who is Ujjwal Nikam, BJP's Lok Sabha Candidate : काँग्रेसने उमेदवार जाहीर केल्यानंतर भाजपने मुंबई उत्तर मध्य लोकसभा मतदारसंघातून आपल्या उमेदवाराच्या नावाची घोषणा केली. विद्यमान खासदार पूनम महाजन यांचे तिकीट कापत भाजपने या जागेवरून प्रसिद्ध वकील उज्ज्वल निकम यांना उमेदवारी दिली आहे. या जागेवरून काँग्रेसने मुंबई अध्यक्ष वर्षा गायकवाड यांना उमेदवारी दिली आहे. त्यामुळे पूनम महाजन यांचं तिकीट कापून ज्यांना भाजपने मैदानात उतरवलं आहे, ते उज्ज्वल निकम कोण, जाणून घेऊया...
उज्ज्वल निकम यांचा जन्म महाराष्ट्रातील जळगाव येथे एका मराठी कुटुंबात झाला. त्यांचे वडील पेशाने न्यायाधीश होते. निकम यांनी जळगावच्या एस.एस. मणियार लॉ कॉलेजमधून कायद्याची पदवी घेतली.
त्यांनी विज्ञान शाखेतून पदवी प्राप्त केलेली आहे. जळगाव येथे जिल्हा सरकारी वकील म्हणून त्यांनी आपल्या कारकिर्दीला सुरुवात केली आणि नंतर राज्य आणि राष्ट्रीय खटल्यांमध्ये त्यांनी आपल्या वकिलीच्या जोरावर ओळख मिळवली.
हेही वाचा >> भाजपने कापलं तिकीट, पूनम महाजन म्हणाल्या...
1991 मध्ये कल्याण बॉम्बस्फोटासाठी रविंदर सिंगला दोषी ठरवण्यात त्यांचा मोठा वाटा होता. 1993 मध्ये जेव्हा ते मुंबई साखळी बॉम्बस्फोट खटल्यात सरकारी वकील बनले, तेव्हा त्यांच्या कारकिर्दीत एक टर्निंग पॉइंट आला.
हे वाचलं का?
