Sanjay Raut : "शिंदेंनी सांगावं की, मोदी सरकार तुम्हाला का अटक करणार होते?"
Sanja Raut On Devendra Fadnavis and Eknath Shinde : महाविकास आघाडी सरकारच्या काळात फडणवीसांना अटक होणार होती, असे एकनाथ शिंदे यांनी म्हटले आहे. त्यावर राऊतांनी भूमिका मांडली.
ADVERTISEMENT
बातम्या हायलाइट
एकनाथ शिंदे यांच्या आरोपांना संजय राऊतांचे उत्तर
फडणवीसांना का होणार होती अटक?
आशिष शेलार, गिरीश महाजन, प्रवीण दरेकर, प्रसाद लाड यांचीही घेतली नावे
Sanjay Raut on Eknath Shinde : देवेंद्र फडणवीस यांना महाविकास आघाडी सरकारकडून अटक केली जाणार होती, या एकनाथ शिंदेंनी केलेल्या विधानावर संजय राऊत यांनी भूमिका मांडली. संजय राऊत यांनी फडणवीसांवर कोणत्या प्रकरणात कारवाई होणार होती, याबद्दलही मोठा खुलासा केला. (Sanjay Raut Asked To Eknath shinde that Why was the Modi government going to arrest you?)
खासदार संजय राऊत यांनी मुंबईत माध्यमांशी संवाद साधला. यावेळी त्यांनी फडणवीस यांच्या अटकेच्या मुद्द्यावर भाष्य केलं.
देवेंद्र फडणवीसांना अटक केली जाणार होती, या एकनाथ शिंदेंच्या विधानावर संजय राऊत म्हणाले की, "सरकार कुणालाही विनाकारण अटक करत नाही, मग आरोपी कितीही मोठा असो. कायद्यासमोर सगळे समान असतात. हे शिंदेजींचे जे बॉस आहेत, नरेंद्र मोदी त्यांचं म्हणणं आहे."
"त्यामुळेच मोदीजींच्या सरकारने हेमंत सोरेन, दिल्लीचे मुख्यमंत्री अरविंद केजरीवाल यांना अटक केली. अनेक मंत्र्यांना, आमदार-खासदारांना अटक केली. का केली, तर त्यांच्यावर कुठलातरी गुन्हा जोडला गेला", असे राऊत यावेळी म्हणाले.
हे वाचलं का?
