Satara Lok Sabha election 2024 : श्रीनिवास पाटलांची माघार, आता शरद पवारांसमोर पर्याय काय?
Shrinivas Patil Sharad Pawar Satara Lok Sabha Constituency : सातारा लोकसभा मतदारसंघातून निवडणूक लढवण्यास श्रीनिवास पाटील यांनी असमर्थतता दर्शवली आहे. त्यामुळे पवारांकडून नव्या पर्याय चाचपून बघितले जात आहेत.
ADVERTISEMENT
बातम्या हायलाइट
श्रीनिवास पाटील यांची निवडणुकीच्या रिंगणातून माघार
सातारा लोकसभेसाठी राष्ट्रवादीत चार नावांची चर्चा
शरद पवारांनी निवडणूक लढवण्यास दिला नकार
Sharad Pawar Satara Lok Sabha election 2024 : "श्रीनिवास पाटील यांनी निवडणूक लढवावी, अशी आमची इच्छा होती. परंतु प्रकृतीच्या कारणास्तव त्यांनी निवडणूक लढण्यास नकार दिला आहे", असे शरद पवारांनी साताऱ्यात जाऊन जाहीर केले. त्यामुळे आता सातारा लोकसभा मतदारसंघातून शरद पवार कुणाला उमेदवारी देणार? असा प्रश्न उपस्थित होतोय. पवारांकडे कोणते पर्याय आहेत आणि कोणती नावे चर्चेत आहेत?
शरद पवारांच्या दौऱ्यामध्ये साताऱ्याच्या उमेदवाराचा निर्णय होऊ शकतो, असे म्हटले जात होते. पण, आता उमेदवार निवडीचा पेच आणखी वाढला आहे. कारण श्रीनिवार पाटलांनी माघार घेतली आहे. दुसरीकडे शरद पवारांनी येथून निवडणूक लढवण्यास नकार दिला आहे. पण, पवारांनी कार्यकर्त्यांशी संवाद साधताना काही नावांचा उल्लेख केला. त्यामुळे कुणाला उमेदवारी मिळणार याचीही उत्सुकता वाढली आहे.
सातारा लोकसभा मतदारसंघात राष्ट्रवादी काँग्रेसचे वर्चस्व आहे, तर शरद पवारांचाही प्रभाव आहे. गेल्या वेळी पोटनिवडणुकीत श्रीनिवास पाटील यांनी उदयनराजे भोसले यांचा पराभव केला होता. त्यामुळे यावेळीही ताकद असलेला उमेदवार द्यावा लागणार आहे.
कोणती नावे चर्चेत आहेत?
श्रीनिवास पाटील हे यावेळी लोकसभा निवडणूक लढवणार नाही, हे स्पष्ट झाल्यानंतर त्यांचे सुपुत्र सारंग पाटील यांचे नाव चर्चेत आहे. सारंग पाटील हे सार्वजनिक जीवनात सक्रीय होत असल्याचे दिसत आहे. पण, ते उमेदवार म्हणून सक्षम ठरणार नाही, याची पक्षालाही कल्पना आहे.
हे वाचलं का?
