मुंबई महापालिकेत AIMIM पक्षाचे गटनेते झालेले विजय उबाळे कोण आहेत?

मुंबई महापालिकेत एमआयएमने 08 जागा जिंकल्या आहेत, नगरसेवकांची नोंदणी केल्यानंतर एमआयएमने विजय उबाळेंची बीएमसीच्या गटनेतेपदी निवड केली आहे. खैरुन्निसा खान यांना प्रभाग समितीवर तर जमीर कुरैशींना स्थायी समितीवर संधी देण्यात आलीय. ओवैसींच्या सूचनेनंतर हा निर्णय घेतल्याचं प्रदेशाध्यक्ष इम्तीयाज जलील यांनी पोस्ट करताना म्हटलंय. विजय उबाळेंना गटनेतेपदाची संधी देत ओवैसींनी दलित मतांना आपल्याकडे खेचण्याचा प्रयत्न केल्याची चर्चा राजकीय वर्तुळात आहे. संभाजीनगर महापालिकेतही एमआयएमने केवळ मुस्लिम मतांच्या भरवश्यावर न राहता अनेक हिंदू उमेदवारांना तिकीटं दिली होती. त्यातले काही उमेदवार निवडूनही आले. तो फॉर्म्यूला ओवैसींनी मुंबईतही वापरला. आगामी विधानसभा निवडणुकीपर्यंत दलित-मुस्लिम समीकरण जुळवण्याचे प्रयत्न एमआयएम करत असल्याचंही सांगितलं जातंय.

हेही वाचा : Govt Job: SBI कडून मोठ्या पदांसाठी भरती, पगाराचा आकडा वाचून थक्कच व्हाल... काय आहे पात्रता?

 एमआयएमच्या गटनेतेपदी निवड झालेले विजय उबाळे नक्की कोण आहेत? 

एमआयएमकडून नगरसेवक आणि त्यानंतर गटनेते झालेले विजय उबाळे हे गोवंडीत खासगी कोंचिग क्लासेस चालवतात. मुंबईच्या सोमैय्या कॉलेजमधून बीएससीची पदवी मिळवल्यानंतर त्यांनी कोचिंग सुरू केली. 2012 सालापासून ते खासगी क्लासेस चालवतात, गणित या विषयावर विशेष हातखंडा असल्याने अनेक विद्यार्थ्यी त्यांच्या वर्गात गर्दी करतात. शिवाजीनगर-मानखुर्दमध्ये शिक्षक म्हणून काम करत असल्याने विजय उबाळे हे विद्यार्थी आणि पालकांमध्ये चांगलेच प्रसिद्ध झाले. जात, धर्म न पाहता काम करणाऱ्या विजय उबाळेंवर असदुद्दीन ओवैसींची नजर पडली.