Chhagan Bhujbal : अजित पवारांच्या राष्ट्रवादीने भुजबळांना का दिली नाही उमेदवारी? 'हा' आहे प्लॅन

लोकसभा निवडणूक लागल्यानंतर नाशिक मतदारसंघातील उमेदवारीबद्दल पेच निर्माण झाला होता. भुजबळ निवडणूक लढवण्यास इच्छुक होते. पण, त्यांना संधी मिळाली नाही. नावाची घोषणा न झाल्याने भुजबळांनी तडकाफडकी माघार घेतली. 

राज्यसभेवर जाण्यासाठी होते इच्छुक

प्रफुल पटेल यांच्या राजीनाम्यामुळे रिक्त झालेल्या राज्यसभेसाठी निवडणूक लागली. भुजबळ या जागेवरून राज्यसभेत जाण्यास इच्छुक होते. त्यांच्यासोबत इतरही नेते इच्छुक होते. पण, भुजबळांचा इथेही झाला नाही. त्यामुळे त्यांची नाराजी समोर आली.

हेही वाचा >> "अहंकारी झाले म्हणूनच 241 जागा मिळाल्या", RSS ची भाजपवर तोफ 

'पक्ष म्हटल्यानंतर सगळ्याच गोष्टी तुमच्या मनाप्रमाणे होत नाही. आपल्याला वाटतं की, असं व्हायला पाहिजे, पण नाही होतं', असं भुजबळ राज्यसभेसाठी उमेदवारी न दिल्याच्या मुद्द्यावर म्हणाले.