शिंदे गटाचे आमदार सदा सरवणकर यांना थेट भिडणारे ‘महेश सावंत’ आहेत तरी कोण?
महाराष्ट्रात जिथे शिंदे गटाचे आमदार, खासदार, पदाधिकारी आहेत, तिथे वाद, असं चित्र आता समोर येऊ लागलं आहे. आणि तो वाद दुसऱ्या-तिसऱ्या कोणासोबत नसून खुद्ध शिवसैनिकांमध्येच होतोय. सगळ्या महाराष्ट्रात हा वाद होत असताना मुंबईही मागे राहिली नाही. मुंबईत वाद झाला तो थेट आमदार सदा सरवणकर यांच्यासोबत. कधीकाळी त्यांचेच कट्टर समर्थक असणारे महेश सावंत त्यांनाच जाऊन भिडले. […]
ADVERTISEMENT
महाराष्ट्रात जिथे शिंदे गटाचे आमदार, खासदार, पदाधिकारी आहेत, तिथे वाद, असं चित्र आता समोर येऊ लागलं आहे. आणि तो वाद दुसऱ्या-तिसऱ्या कोणासोबत नसून खुद्ध शिवसैनिकांमध्येच होतोय. सगळ्या महाराष्ट्रात हा वाद होत असताना मुंबईही मागे राहिली नाही. मुंबईत वाद झाला तो थेट आमदार सदा सरवणकर यांच्यासोबत. कधीकाळी त्यांचेच कट्टर समर्थक असणारे महेश सावंत त्यांनाच जाऊन भिडले. या वादादरम्यान गोळीबार देखील झाल्याचं बोललं जातंय.
याप्रकरणात महेश सावंत यांच्यावर गुन्हा दाखल झाला होता. आणि अटक देखील झाली होती. त्यानंतर थेट मातोश्रीवर त्यांना बोलवण्यात आलं. उद्धव ठाकरे यांनी स्वतःच्या बाजूच्या खुर्चीवर बसवून त्यांच्या पाठीवर कौतुकाची थाप देखील दिली. शिवसैनिक हेच शिवसेनेचं ब्रह्मास्त्र असल्याचे कौतुकाचे बोल उद्धव ठाकरेंनी बोलून दाखवले. त्यामुळे नेमके महेश सावंत आहेत तरी कोण? अशी चर्चा सुरु झालीय.
नेमकं काय घडलं होतं?
गणपती विसर्जनादिवशी एका बाजूला सदा सरवणकर यांचा मुलगा समाधान सरवणकर तर दुसऱ्या बाजूला प्रभादेवी दादरचे शिवसेनेचे विभागप्रमुख महेश सावंत. अशातच समाधान सरवणकरांनी म्यांव-म्यांव म्हणून शिवसैनिकांना डिवचायला सुरुवात केली. तिथूनच खरा राडा सुरु झाला. आणि राड्याचं रुपांतर हाणामारीत झाल्याचं समोर येतंय. महेश सावंतांनी शिंदे गटातील शाखा प्रमुख संतोष तेलवणेंना हाणामारी केल्याचा आरोप शिंदे गटाने केलाय. त्यामुळे संतोष तेलवणे आणि समाधान सरवणकरांनी ज्या पोलीस ठाण्यात महेश सावंतांना नेलं होतं, त्याच्या समोरच राडा झाला.
हे वाचलं का?
