PCB ला आणखी एक धक्का, न्यूझीलंडपाठोपाठ इंग्लंडच्या संघाचाही पाकिस्तानात येण्यास नकार

इंग्लंडचा क्रिकेट संघ ऑक्टोबर महिन्यात टी-२० मालिकेसाठी पाकिस्तानात येणार होता. याचदरम्यान इंग्लंडच्या महिला संघाचेही सामने यावेळी होणार होते. परंतू त्याआधीच इंग्लंड क्रिकेट बोर्डाने आपण दौऱ्यातून माघार घेत असल्याचं जाहीर केलं आहे.

“We can confirm that the Board has reluctantly decided to withdraw both teams from the October trip.”

?? #PAKvENG ???????

— England Cricket (@englandcricket) September 20, 2021

‘खेळाडूंवर तणाव नको, म्हणून दौरा रद्द’ – इंग्लंड क्रिकेट बोर्ड

इंग्लंड क्रिकेट बोर्डाने दिलेल्या माहितीत त्यांनी म्हटलं आहे की, “आमच्यासाठी खेळाडूं आणि सपोर्ट स्टाफचं मानसिक आणि शाररिक आरोग्य सर्वात महत्त्वाचं आहे. सध्याची परिस्थिती पाहता कोणत्याही प्रकारचा प्रवास धोक्याचाच आहे. त्यात त्या भागात दौऱ्यासाठी जाण्याने खेळाडूंवर ताण वाढेल. त्यात कोरोनासंबधी नियम आणि एकंदरीत तणावामुळे आगामी टी-20 विश्वचषकासाठी आमच्या टी-20 संघावरही याचा परिणाम होईल. या सर्व कारणांमुळे आम्ही हा निर्णय़ घेत आहोत.”