T-20 World Cup : एकही पैसा न घेता धोनी भारतीय संघाला करणार मार्गदर्शन – जय शहांचं स्पष्टीकरण
महेंद्रसिंह धोनीच्या नेतृत्वाखाली आयपीएलच्या चौदाव्या हंगामात चेन्नईचा संघ अंतिम फेरीत दाखल झाला आहे. या धडाकेबाज कामगिरीनंतरही धोनी युएईत थांबणार असून तो आगामी टी-२० विश्वचषकासाठी टीम इंडियाचा मेंटॉर म्हणून काम पाहणार आहे. टी-२० वर्ल्डकपसाठी संघ जाहीर करताना बीसीसीआयने याबद्दलची घोषणा केली होती. परंतू या कामासाठी धोनी एक नवीन पैसा स्विकारणार नसल्याचं बीसीसीआयचे सचिव जय शहा यांनी […]
ADVERTISEMENT
महेंद्रसिंह धोनीच्या नेतृत्वाखाली आयपीएलच्या चौदाव्या हंगामात चेन्नईचा संघ अंतिम फेरीत दाखल झाला आहे. या धडाकेबाज कामगिरीनंतरही धोनी युएईत थांबणार असून तो आगामी टी-२० विश्वचषकासाठी टीम इंडियाचा मेंटॉर म्हणून काम पाहणार आहे. टी-२० वर्ल्डकपसाठी संघ जाहीर करताना बीसीसीआयने याबद्दलची घोषणा केली होती.
परंतू या कामासाठी धोनी एक नवीन पैसा स्विकारणार नसल्याचं बीसीसीआयचे सचिव जय शहा यांनी सांगितलं. ते ANI वृत्तसंस्थेशी बोलत होते.
“MS Dhoni is not charging any honorarium for his services as the mentor of Indian team for the T20 World Cup,” BCCI Secretary Jay Shah to ANI
(file photo) pic.twitter.com/DQD5KaYo7v
— ANI (@ANI) October 12, 2021
टी-२० विश्वचषकात धोनीची मेंटॉर म्हणून नेमणूक करण्याची कल्पना जय शहा यांना सुचली. यासाठी गेले काही महिने ते धोनीसोबत चर्चा करत होते. फक्त टी-२० विश्वचषकापुरताच धोनी भारतीय संघासोबत मार्गदर्शक म्हणून काम पाहणार आहे.
T-20 World Cup मध्ये यंदा पहिल्यांदाच DRS चा वापर, ICC चा महत्वपूर्ण निर्णय
यंदाचा टी-२० विश्वचषक हा भारतीय संघासाठी महत्वाचा आहे. या स्पर्धेनंतर विराट कोहलीने आपल्या टी-२० संघाच्या कर्णधारपदाचा राजीनामा देण्याची घोषणा केली आहे. आतापर्यंत विराट कोहली भारताला एकही महत्वाची आयसीसी स्पर्धा जिंकवून देऊ शकलेला नाहीये. त्यामुळे धोनीच्या मार्गदर्शनाखाली विराट कोहलीची टीम इंडिया टी-२० वर्ल्डकप कसा जिंकेल यासाठी बीसीसीआय प्रयत्नात आहे. धोनीचा अनुभव संघाच्या कामाला येऊ शकतो असं म्हणत त्याची मेंटॉरच्या जागेवर नेमणूक झाल्याचं जय शहा यांनी स्पष्ट केलं आहे.
IPL BLOG: देणाऱ्याचे हात हजारो दुबळी माझी झोळी!
हे वाचलं का?
