अहमदाबाद, पुण्यात मॅच पाहण्यासाठी फॅन्सना परवानगी?

पहिल्या दोन टेस्ट मॅचसाठी ५० टक्के प्रेक्षकांना संधी द्यावी अशी विनंती बीसीसीआयने तामिळनाडू क्रिकेट असोसिएशनला केली होती. परंतू खबरदारीचा उपाय म्हणून तामिळनाडू क्रिकेट असोसिएशनने ही विनंती फेटाळून लावली आहे. त्यामुळे अहमदाबाद आणि पुणे येथे फॅन्सला सामना पाहण्याची संधी मिळावी यासाठी बीसीसीआय संबंधित क्रिकेट संघटनांशी चर्चा करत असल्याची माहिती बीसीसीआयमधील सूत्रांनी दिली.

मोटेरा मैदानाचं नुतनीकरण झाल्यानंतर बीसीसीआय पहिल्यांदाच या मैदानावर आंतरराष्ट्रीय सामन्याचं आयोजन करत आहे. एक लाखांपेक्षा जास्त प्रेक्षक एकाच वेळी या मैदानावर सामना पाहू शकतात. जगातलं सर्वात मोठं क्रिकेट मैदान असा विक्रम आता मोटेरा मैदानाच्या नावावर जमा झाला आहे.