क्रिकेटर रिझवानने उघड-उघड सांगितलं माझा Gaza ला पाठिंबा, ICC कारवाई करणार?
पाकिस्तानचा स्टार क्रिकेटर मोहम्मद रिझवानने वनडे वर्ल्ड कप 2023 मध्ये शतक झळकावल्यानंतर त्याने सोशल मीडियावर पोस्ट शेअर करत हे शतक गाझामधील बंधू भगिनींना समर्पित करत असल्याचे म्हटले. त्यानंतर त्याच्या त्या ट्विटवरून त्याच्यावर कारवाई केली जावी अशी मागणी केली आहे.
ADVERTISEMENT
Mohammad Rizwan on Gaza Strip: वनडे वर्ल्ड कप 2023 सुरु असतानाच ‘इस्रायल आणि हमास’ यांच्यामध्ये (Israel and Hamas) जोरदार युद्ध सुरु झाले आहे. हा विश्वचषक (ODI World Cup 2023) भारताच्या यजमानपदावर खेळवला जात आहे. तर यावेळी मंगळवारी झालेल्या सामन्यात पाकिस्तानने श्रीलंकेचा 6 विकेटने पराभव केला.या सामन्यातील पाकिस्तानचा स्टार क्रिकेटर मोहम्मद रिझवान आणि अब्दुल्ला शफीक (Mohammad Rizwan and Abdullah Shafiq) यांनी शानदार शतके झळकावली आहेत. रिझवानकडून 131 धावांची नाबाद खेळी खेळली गेली आहे. तर तर शफीकने 113 धावांची शानदार शतकी खेळी खेळली आहे.
शतक समर्पित
तर या सामन्यानंतर मात्र रिझवानकडून बुधवारी 11 ऑक्टोबर रोजी सोशल मीडियावर त्याने काही पोस्ट शेअर केल्या होत्या. त्यामध्ये गाझावर झालेल्या हल्ल्याची आठवण काढत त्याने झळकावलेले शतक गाझामधील नागरिकांना समर्पित केले आहे.
हे ही वाचा >>Thane: सासूला जनावरासारखं मारलं, सुनेचा ‘हा’ व्हिडीओ पाहून तुम्हालाही येईल चीड!
रिझवानने टीमला दिले श्रेय
रिझवानकडून सोशल मीडियावर पोस्ट शेअर करत लिहिले आहे की, हे माझे शतक गाझामधील माझ्या बंधू-भगिनींसाठी आहे. तर या संघाच्या या विजयामध्ये हातभार लावत असताना आनंद तर होत आहेच. मात्र याचे श्रेय संपूर्ण टीमला आहे. त्यातही विशेषतः शफीक आणि हसन अली यांनाचे जात असल्याची भावना त्याने शेअर केली आहे.
हे वाचलं का?
