Gujarat Titans IPL 2024 Captain : टीम इंडियाचा सलामीवीर करणार गुजरातचं नेतृत्व
इंडियन प्रीमियर लीग (IPL 2024) मध्ये मोठा बदल घडला आहे. गुजरात टायटन्स (GT) ने नवीन कर्णधाराच्या नावाची घोषणा केली. टीम इंडियाचा स्टार सलामीवीर शुभमन गिल आता आयपीएलच्या आगामी मोसमात गुजरात टायटन्सचे नेतृत्व करणार आहे. हार्दिक पांड्या मुंबई इंडियन्समध्ये (MI) गेल्यानंतर गुजरात टायटन्सने हा मोठा निर्णय घेतला आहे.
ADVERTISEMENT
Shubman Gill Gujarat Titans Ipl 2024 : हार्दिक पांड्याने गुजरात टायटन्सला बाय बाय केला. त्यामुळे आगामी आयपीएल हंगामात गुजरातचं नेतृत्व कोण करणार, याबद्दल सगळ्यांना उत्सुकता होती. अखेर गुजरात टायटन्सने कर्णधाराच्या नावावर शिक्कामोर्तब केलं. भारताचा सलामीवीर फलंदाज शुभमन गिल गुजरातचं नेतृत्व करणार आहे. (Gujarat Titans announced the new captain, Shubman Gill got the command in place of Hardik Pandya)
हार्दिक पांड्याला मुंबई इंडियन्सने खरेदी केले. त्यामुळे गुजरात टायटन्सच्या नेतृत्वाबद्दल चर्चा सुरू झाली होती. शुभमन गिल गुजरातचं नेतृत्व करणार आहे. गुजरात टायटन्सचे क्रिकेट संचालक विक्रम सोलंकी म्हणाले, ‘शुभमन गिलने गेल्या दोन वर्षांत लक्षणीय प्रगती केली आहे. आम्ही त्याला केवळ फलंदाज म्हणूनच नव्हे, तर क्रिकेटमध्ये एक लीडर म्हणूनही परिपक्व होताना पाहिले आहे.”
𝐂𝐀𝐏𝐓𝐀𝐈𝐍 𝐆𝐈𝐋𝐋 🫡#AavaDe pic.twitter.com/tCizo2Wt2b
— Gujarat Titans (@gujarat_titans) November 27, 2023
हे वाचलं का?
ADVERTISEMENT
“मैदानावरील त्याच्या योगदानामुळे गुजरात टायटन्स एक मजबूत टीम म्हणून उदयास येण्यास मदत झाली आहे. त्याची परिपक्वता आणि कौशल्य त्याच्या मैदानावरील कामगिरीमध्ये स्पष्टपणे दिसून येते. त्याला कर्णधार बनवण्याबद्दल आम्ही उत्सुक आहोत”, असं त्यांनी सांगितलं.
शुभमन गिलला का केले कर्णधार?
आयपीएल 2023 च्या हंगामात शुभमन गिल सर्वाधिक धावा करणारा खेळाडू होता आणि त्याने ऑरेंज कॅप जिंकली. गिलने 17 सामन्यात 59.33 च्या सरासरीने 890 धावा केल्या होत्या. केन विल्यमसनही गुजरात टायटन्सचा कर्णधार होण्याच्या शर्यतीत होता, पण टीमचं भविष्य डोळ्यासमोर ठेवून फ्रँचायझीने या युवा भारतीय खेळाडूला महत्त्व दिले आहे.
ADVERTISEMENT
हेही वाचा >> Hardik Pandya IPL 2024 : हार्दिकसाठी मुंबई इंडियन्सने सोडला 17.50 कोटींचा खेळाडू, कारण…
24 वर्षीय शुभमन गिलने 2018 साली कोलकाता नाइट रायडर्सकडून (KKR) आयपीएलमध्ये पदार्पण केले होते. गिलने त्याच्या आयपीएल कारकिर्दीत आतापर्यंत 91 सामने खेळले आहेत, ज्यामध्ये त्याने 37.70 च्या सरासरीने 2790 धावा केल्या आहेत. शुभमन गिलने 3 शतके आणि 18 अर्धशतके झळकावली आहेत.
ADVERTISEMENT
शुभमन गिलची आयपीएलमधील सर्वोच्च धावसंख्या 129 धावा इतकी आहे. शुभमन गिलने त्याच्या आयपीएल करिअरमध्ये 273 चौकार आणि 80 षटकार मारले आहेत. IPL 2023 च्या लिलावापूर्वी गिलला गुजरात टायटन्सने 8 कोटी रुपयांना करारबद्ध केले होते.
कर्णधार झाल्यानंतर शुभमन गिल काय म्हणाला?
कर्णधार होण्याबाबत शुभमन गिल म्हणाला, “गुजरात टायटन्सचे कर्णधारपद स्वीकारताना मला आनंद होत आहे. एवढ्या चांगल्या संघाचे नेतृत्व करणे ही मोठी गोष्ट आहे. माझ्यावर विश्वास दाखवल्याबद्दल मी फ्रँचायझीचे आभार मानतो. आमच्यासाठी दोन हंगाम चांगले राहिलेत.”
हेही वाचा >> IPL 2024 Retention : KKR ने सोडला ‘लॉर्ड’ खेळाडू, दिल्ली कॅपिटल्स पृथ्वी शॉला…
गुजरात टायटन्सने 2022 आणि 2023 हंगामात भाग घेतला होता. संघाने पदार्पणाच्या मोसमातच म्हणजे त्यांच्या पहिल्या आयपीएल स्पर्धेतच हार्दिक पांड्याच्या नेतृत्वाखाली विजेतेपद पटकावले होते. गेल्या मोसमात गुजरात टायटन्स उपविजेता ठरला होता.
ADVERTISEMENT