Tokyo Paralympics 2020: भाविना पटेलने रचला इतिहास! सुवर्ण पदकापासून दोन पावलं दूर

टोक्यो येथे सुरू असलेल्या पॅराऑलिम्पिकमध्ये टेबल टेनिसच्या महिला एकेरी स्पर्धेत भारताच्या भाविना पटेलने चमकदार कामगिरी केली. भाविनाचा सर्बियाची खेळाडू बोरिस्लावा राकोविच हिच्यासोबत मुकाबला झाला. या सामन्यात भाविनाने दणदणीत विजय मिळवला.

भाविनाने सर्बियाच्या राकोविचचा तीन गेममध्ये ११-५, ११-६, ११-७ अशा फरकाने पराभव केला. या विजयाबरोबरच भाविना उपांत्यपूर्व फेरीत दाखल झाली असून, ती सुवर्ण पदकापासून दोन पावलं दूर आहे. उपांत्य फेरी गाठल्यानंतर भाविना भावूक झाली. तिचे डोळेही भरून आले होते. ‘मला संपूर्ण देशाचे आभार मानायचे आहेत; कारण मी त्यांच्यामुळे इथे पोहोचले आहे. तुमचं प्रेम पाठवत रहा’, असे भावोद्गार भाविनाने सामन्यानंतर काढले.

Tokyo Paralympics: Para table tennis player Bhavina Patel beats Borislava Rankovic of Serbia 3-0 to reach the semifinals of Class 4 Table Tennis event. She won 11-5, 11-6, 11-7

(File pic courtesy: PIB India's Twitter) pic.twitter.com/fyYgJnzy4G

— ANI (@ANI) August 27, 2021

भाविना सुवर्ण पदकापासून दोन पावलं दूर असली, तरी तिने भारतासाठी एक पदक निश्चित केलं आहे. टोक्यो पॅराऑलिम्पिकच्या नियमानुसार टेबल टेनिसमध्ये क्लास १ ते क्लास ११ पर्यंत थेट उपांत्यपूर्व फेरीत प्रवेश मिळवणाऱ्या खेळाडूंना कांस्य पदक दिलं जातं. त्यामुळे भारताचं कांस्य पदक निश्चित झालं आहे.