U-19 WC : विश्वचषक विजेते भारतीय खेळाडू होणार लखपती, BCCI ने जाहीर केलं बक्षीस

कॅरेबिअन बेटांवर धडाकेबाज कामगिरी करणाऱ्या भारतीय खेळाडूंसाठी बीसीसीआयनेही रोख रकमेचं बक्षीस जाहीर केलं आहे. भारतीय संघातील प्रत्येक खेळाडूला ४० लाख तर सपोर्ट स्टाफमधील प्रत्येकाला २५ लाखांचं इनाम जाहीर करण्यात आलं आहे. बीसीसीआय अध्यक्ष सौरव गांगुली आणि सचिव जय शहा यांनी आपल्या ट्विटर अकाऊंटवरुन याची माहिती दिली.

I’m pleased to announce the reward of 40 lacs per player and 25 lacs per support staff for the U19 #TeamIndia contingent for their exemplary performance in #U19CWCFinal. You have made ?? proud. @SGanguly99 @ThakurArunS @ShuklaRajiv

— Jay Shah (@JayShah) February 5, 2022

Congratulations #BoysInBlue on winning the @ICC U19 World Cup. This is a Very Very Special @VVSLaxman281 win against all odds. Each of our youngsters has shown the heart and temperament needed to make history in these trying times #INDvENG #U19CWCFinal pic.twitter.com/amuzSbarbc

— Jay Shah (@JayShah) February 5, 2022

Congratulations to the under 19 team and the support staff and the selectors for winning the world cup in such a magnificent way ..The cash prize announced by us of 40 lakhs is a small token of appreciation but their efforts are beyond value .. magnificent stuff..@bcci

— Sourav Ganguly (@SGanguly99) February 5, 2022

अंतिम सामन्यात राज बावाने केलेली अष्टपैलू कामगिरी आणि शेख रशिद आणि निशांत सिंधूच्या निर्णयाक अर्धशतकी खेळाच्या जोरावर भारताने सामन्यात विजय मिळवला. महत्वाची गोष्ट म्हणजे भारतीय संघ या स्पर्धेत एकही सामना हरलेला नाहीये. भारतीय संघाने पहिल्या सामन्यात दक्षिण आफ्रिकेवर ४५ धावांनी, आयर्लंडवर १७४ धावांनी, युगांडावर ३२६ धावांनी, बांगलादेशवर ५ धावांनी आणि उपांत्य सामन्यात ऑस्ट्रेलियावर ९६ धावांनी विजय मिळवला होता. हीच विजयी परंपरा भारताच्या युवा खेळाडूंनी अंतिम सामन्यातही कायम राखली.

या कामगिरीसह युवा कर्णधार यश धुलला मोहम्मद कैफ, उन्मुक्त चंद, विराट कोहली, पृथ्वी शॉ या विश्वचषक विजेत्या भारतीय कर्णधारांच्या मानाच्या यादीत स्थान मिळालं आहे.