Vinesh Phogat Retirement: 'आई... मी हरले'; ऑलिम्पिकमध्ये अपात्र ठरल्यानंतर विनेश फोगाटची मोठी घोषणा!
Vinesh Phogat : पॅरिस ऑलिम्पिकमध्ये फायनलपूर्वी केवळ काही ग्रॅम जास्त वजनामुळे अपात्र ठरल्यानंतर आता भारताची महिला कुस्तीपटू विनेश फोगाट हिने कुस्तीमधून निवृत्तीची घोषणा केली आहे.
ADVERTISEMENT
बातम्या हायलाइट
कुस्तीपटू विनेश फोगाट हिने कुस्तीमधून निवृत्तीची घोषणा केली आहे.
'पराभव झाला नाही, पराभूत केलं गेलं...'
100 ग्रॅम वजनामुळे विनेशला अपात्र ठरवण्यात आले
Paris Olympics 2024 Vinesh Phogat : पॅरिस ऑलिम्पिकमध्ये फायनलपूर्वी केवळ काही ग्रॅम जास्त वजनामुळे अपात्र ठरल्यानंतर आता भारताची महिला कुस्तीपटू विनेश फोगाट हिने कुस्तीमधून निवृत्तीची घोषणा केली आहे. तिने याबाबतची माहिती सोशल मीडियावर पोस्ट शेअर करत दिली आहे. विनेश फोगाट हिने पोस्टमध्ये म्हटले आहे की, "आई कुस्ती माझ्याविरूद्ध जिंकली. तुमचं स्वप्न माझी हिंमत तुटली आहे. आता जास्त माझ्यात ताकद नाही. अलविदा कुस्ती' अशी भावूक पोस्ट लिहित तिने आपल्या निवृत्तीची घोषणा केली आहे." (Vinesh Phogat's big announcement of retirement from wrestling after being disqualified in the paris olympics 2024)
विनेश फोगटने तिच्या प्रतिस्पर्ध्याविरुद्ध उपांत्य फेरीचा सामना 5-0 च्या फरकाने जिंकला आणि ऑलिम्पिक अंतिम फेरीसाठी पात्र ठरणारी ती पहिली भारतीय महिला कुस्तीपटू ठरली होती. विनेश 50 किलो वजनी गटात खेळत होती. पहिल्या दिवशी विनेशचे वजन 49.5 इतके भरले. मात्र, उपांत्य फेरीची लढत संपली, तेव्हा बाहेर पडल्यावर विनेशचे वजन 52 किलोपर्यंत वाढले होते. या वाढलेल्या वजनाने घात केला आणि तिची ऑलिम्पिक पदकाची कहाणी पुन्हा अपूर्ण राहिली.
हेही वाचा : MNS: भाजपसोबत युती नाहीच, राज ठाकरेंनी चौथा उमेदवार केला जाहीर!
'पराभव झाला नाही, पराभूत केलं गेलं...'
आता विनेशच्या या घोषणेनंतर कुस्तीपटू बजरंग पुनियाने सोशल मीडियावर प्रतिक्रिया देत पोस्ट शेअर केली आहे. त्याने लिहिले, "विनेश, तुझा पराभव झाला नाही तुला पराभूत केलं गेलं, आमच्यासाठी तू नेहमीच विजेता राहशील, तू भारत कन्या आहेस तसेच भारताचा अभिमान आहेस."
विनेश फोगटला जास्त वजनामुळे अंतिम सामन्यातून अपात्र ठरवण्यात आले, त्यानंतर तिने कोर्ट ऑफ एब्रीट्रेशन फॉर स्पोर्टच्या (CAS) न्यायालयात अपील केले होते. या स्पर्धेसाठी तिला रौप्य पदक देण्यात यावे, असे विनेशने सांगितले होते.
हे वाचलं का?
