मुंबई : मरीन ड्राईव्हवर पहाटे थरकाप उडवणारा अपघात; तरुणीसह तिघांचा मृत्यू

पहाटे 5 : 45 च्या सुमारास झाला भीषण प्रसंग

हा अपघात पहाटे 5 वाजून 45 मिनिटांच्या सुमारास झाला. मरीन ड्राईव्ह रोडवरील ही धडक इतकी जोरदार होती की त्याचा आवाज परिसरात दूरवर ऐकू आला. अपघातात वाहनांचा अक्षरशः चक्काचूर झाला आहे. प्रत्यक्षदर्शींच्या म्हणण्यानुसार, वाहनांची दुरवस्था पाहून अपघाताच्या भीषणतेचा अंदाज लावला जाऊ शकतो. घटनेची माहिती मिळताच पोलिसांनी तातडीने धाव घेऊन मदतकार्य सुरू केले, मात्र तोपर्यंत मोठा अनर्थ घडला होता.

 तिघांचा जागीच अंत आणि वाहनांचे मोठे नुकसान

अपघाताची तीव्रता इतकी प्रचंड होती की,  तिन्ही व्यक्तींना सावरण्याची संधीही मिळाली नाही. ज्येष्ठ नागरिक आणि तरुण-तरुणीचा जागीच मृत्यू झाला. घटनेनंतर तात्काळ रुग्णवाहिका बोलावण्यात आली होती, परंतु डॉक्टरांनी त्यांना तपासून मृत घोषित केले. वाहनांचे झालेले नुकसान पाहता, हा अपघात ओव्हर स्पिडिंगमुळे झाला असावा असा प्राथमिक संशय व्यक्त केला जात आहे. पोलिसांनी घटनास्थळाचा पंचनामा केला असून रस्त्यावरील वाहतूक काही वेळासाठी विस्कळीत झाली होती.

पोलीस तपासाला वेग आणि मृतांच्या नातेवाईकांशी संपर्क

पोलीस सध्या मृतांच्या नातेवाईकांशी संपर्क साधण्याचा प्रयत्न करत असून मृतदेह शवविच्छेदनासाठी जवळच्या शासकीय रुग्णालयात पाठवण्यात आले आहेत. या घटनेमुळे मरीन ड्राईव्ह परिसरात सकाळी फिरायला येणाऱ्या नागरिकांमध्ये भीतीचे वातावरण पसरले आहे.

इतर महत्त्वाच्या बातम्या 

बीड हादरलं, पत्नीचे आक्षेपार्ह फोटो, मित्रांनीच मित्राला धारदार शस्त्रांनी संपवलं, होमगार्डही हत्याकांडात सामील