मुंबईची खबर: आता अ‍ॅक्वा लाइनवर मेट्रोच्या फेऱ्या वाढल्या; प्रवाशांना सोमवार ते शुक्रवार गर्दीची चिंताच नाही...

रस्ते वाहतूक आणि उपनगरीय रेल्वेवरील ताण कमी...

MMRCA च्या अधिकाऱ्यांनी दिलेल्या माहितीनुसार, मेट्रो लाइन-3 प्रवाशांसाठी पूर्णपणे खुली झाल्यानंतर रस्ते वाहतूक आणि उपनगरीय रेल्वेवरील ताण कमी झाला आङे. तसेच. छत्रपती शिवाजी महाराज टर्मिनस परिसरातील वाहतूक कोंडीत जवळपास 30 टक्क्यांनी घट झाल्याचं मुंबई ट्रॅफिक पोलिसांच्या सर्वेतून समोर आलं आहे. दररोज सुमारे 45 हजार प्रवासी सीएसएमटी आणि आसपासच्या स्थानकांवरून मेट्रो लाइन-3 चा वापर करतात. ऑक्टोबर 2025 मध्ये पंतप्रधान नरेंद्र मोदी यांच्या हस्ते मेट्रो लाइन-3 च्या अंतिम टप्प्याचं उद्घाटन करण्यात आलं होतं. 

हे ही वाचा: Govt Job: भारतीय सैन्यात नोकरीची सुवर्णसंधी! कोणतीही परीक्षा नाही अन्... काय आहे पात्रता?

मुंबई मेट्रो लाइन 3 (अ‍ॅक्वा लाइन) वरील स्थानके 

दक्षिण मुंबई: कफ परेड, विधान भवन, चर्चगेट (हुतात्मा चौक), कळंबादेवी, ग्रँट रोड, महालक्ष्मी, सायन्स म्यूझियम, वरळी, आचार्य अत्रे चौक (BKC) 

मध्य/ पश्चिम उपनगर: सिद्धिविनायक, दादर, शीतलादेवी मंदीर, धारावी, विद्यानगरी, सांताक्रूझ, CSMI एअरपोर्ट T1, सहार रोड, CSMI एयरपोर्ट T2, मरोळ नाका, MIDC, SEEPZ, आरे 

व्हीआयपी आणि महत्त्वाच्या स्थानकांचा समावेश

या कॉरिडोरमध्ये एकूण 27 स्थानके असून यामध्ये बऱ्याच व्हीआयपी आणि महत्त्वाच्या स्थानकांचा समावेश आहे. मेट्रोची ही लाइन सिद्धिविनायक मंदिराला देखील कनेक्ट होते. पहिली मेट्रो सकाळी 5:55 वाजता आणि शेवटची मेट्रो रात्री 10:30 वाजता धावते. मेट्रोच्या फेऱ्या वाढवल्यामुळे स्थानकांवरील प्रवाशांची गर्दी कमी होणार असल्याचं सांगितलं जात आहे. इतकेच नव्हे तर, त्यांचा प्रवास सुद्धा सुखकर होण्याची आशा आहे.