मुंबईची खबर: मुंबई ते पुणे प्रवास केवळ दीड तासात शक्य होणार! वाहतूक मंत्र्यांनी केली नव्या एक्स्प्रेसवे प्रोजेक्टची घोषणा...

मुंबई ते पुणे प्रवास केवळ 90 मिनिटांत शक्य 

प्रस्तावित मुंबई-पुणे एक्सप्रेसवे II हा 130 किलोमीटर लांबीचा असून त्याला अंदाजे 15,000 कोटी खर्च येणार असल्याची माहिती आहे. या नवीन कॉरिडॉरमुळे प्रवाशांना मुंबई ते पुणे प्रवास केवळ 90 मिनिटांत करता येणार असल्याचं सांगितलं जात आहे. 

मुंबई-पुणे एक्सप्रेसवे-2 मुळे वाहतूक कोंडी कमी होईल. नितीन गडकरी यांनी दिलेल्या माहितीनुसार, जेएनपीए बंदराजवळील पागोटे ते पनवेल चौक यांना जोडणाऱ्या पहिल्या टप्प्याला अधिकृत मान्यता मिळाली आहे. हा प्रकल्प एकदा कार्यान्वित झाल्यानंतर, या एक्सप्रेसवेमुळे मुंबई आणि पुणे दरम्यान कनेक्टिव्हिटी वाढेल. तसेच नेहमीचे प्रवासी, लॉजिस्टिक्स कंपन्या आणि आपत्कालीन सेवांना याचा फायदा होईल. 

हे ही वाचा: Govt Job: सरकारी बँकेतील नोकरीचं स्वप्न पूर्ण होणार! 'बँक ऑफ इंडिया' मध्ये निघाली भरती... कसा कराल अर्ज?

नवीन एक्सप्रेसवे नेटवर्कमुळे प्रवासी मुंबई ते पुणे मार्गे बेंगळुरू पर्यंतचा प्रवास फक्त 5.5 तासांत करू शकतील. यामुळे पश्चिम आणि दक्षिण भारतातील व्यावसायिक प्रवास, पर्यटन आणि शहरांतर्गत व्यापार वाढण्याची अपेक्षा आहे. 

पुणे आणि छत्रपती संभाजीनगरला जोडणारा ग्रीनफिल्ड एक्सप्रेसवे

याव्यतिरिक्त, पुणे आणि छत्रपती संभाजीनगरला जोडणारा एक नवीन ग्रीनफिल्ड एक्सप्रेसवे प्रोजेक्ट अंदाजे 16,318 कोटी रुपयांच्या बजेटसह बांधला जात आहे. दोन्ही शहरांमधील प्रवासाचा वेळ दोन तासांनी कमी करणे हे या प्रकल्पाचं उद्दिष्ट आहे. यासाठी अहिल्यानगर मार्गे आणि दुसरा बीड जिल्ह्यातील शिक्रापूर मार्गे या दोन संभाव्य मार्ग पर्यायांचा विचार केला जात आहे. या एक्सप्रेसवेमुळे संभाजीनगर ते नागपूरपर्यंतची कनेक्टिव्हिटी देखील सुधारेल, ज्यामुळे प्रवासाचा वेळ 2.5 ते 3 तासांपर्यंत कमी होईल. 

हे ही वाचा: महाविद्यालयीन तरुणीवर सामूहिक बलात्कार! मित्राने अश्लील व्हिडीओ शूट केले अन्...

निवडणुकीनंतर या प्रकल्पाचं बांधकाम सुरू होण्याची अपेक्षा आहे. मालवाहतूक आणि बंदर कनेक्टिव्हिटी सुधारण्यासाठी, एनएचएआयने मोरबे आणि कळंबोली यांना जोडणारा 15 किलोमीटरचा लिंक रोड विकसित करण्याची योजना आखली आहे. हा रस्ता दिल्ली-मुंबई एक्सप्रेसवेला थेट जेएनपीएशी जोडेल.