मुंबईतील प्रसिद्ध रुस्तम आईस्क्रिमचा परवाना रद्द, तुकाराम मुंढेंच्या निर्देशानंतर मोठी कारवाई

हेही वाचा : Maharashtra Weather : राज्यावर अस्मानी संकट कायमच, 'या' जिल्ह्यांचं काही खरं नाही

परिसरात उंदीर आणि माशा आढळून आल्या

पीटीआयच्या वृत्तानुसार, एफडीएच्या अधिकाऱ्यांनी केलेल्या तपासणीत आइसक्रीम पार्लरमध्ये स्वच्छतेबाबत गंभीर त्रुटी आढळल्या. पाहणीदरम्यान पार्लरच्या परिसरात उंदीर आणि माशा आढळून आल्या. या निरीक्षणात अन्नसुरक्षा नियमांचे उल्लंघन झाल्याचे स्पष्ट झाल्यानंतर प्रशासनाने संबंधित आस्थापनाचा परवाना तत्काळ रद्द करण्याचा निर्णय घेतला. या कारवाईनंतर संबंधित आस्थापनातून नमुने गोळा करून ते पुढील तपासणीसाठी प्रयोगशाळेत पाठवण्यात आले आहेत.

हेही वाचा : Personal Finance: स्वतःचं नवं घर घेण्यासाठी 'या' फॉर्म्युल्याने ठरवा डाऊन पेमेंटचा जबरा प्लॅन

एक्सपायर्ड खाद्यपदार्थ प्रशासनाने केले नष्ट 

'सेफ फुड, सेफ महाराष्ट्र' मोहिमेअंतर्गत एफडीएच्या पथकाने या आइसक्रीम पार्लरवर छापा टाकला होता. या कारवाईदरम्यान पिस्ता, स्वीट ऑरेंज, चेरी, बदाम, अमेरिकन आइसक्रीम सोडा आणि मिक्स फ्रूट यांसारखे कालबाह्य (एक्सपायर्ड) खाद्यपदार्थ आढळून आले. या वस्तूंचा आइसक्रीम तयार करण्यासाठी वापर होऊ नये म्हणून अधिकाऱ्यांनी त्या आपल्या उपस्थितीत नष्ट करून घेतल्या. या कारवाईमुळे अन्नसुरक्षेच्या नियमांचे पालन करण्याबाबत प्रशासनाची कठोर भूमिका पुन्हा स्पष्ट झाली आहे.

यापूर्वीही एका बाह्य प्रयोगशाळेच्या अहवालात या आइसक्रीम पार्लरमधील मिल्क फॅटचे प्रमाण केवळ 7.94 टक्के असल्याचे नमूद करण्यात आले होते. भारतीय अन्न सुरक्षा आणि मानक प्राधिकरणाने निर्धारित केलेल्या निकषांनुसार हे प्रमाण किमान 10 टक्के असणे आवश्यक आहे. दरम्यान, एफडीएने घेतलेल्या नमुन्यांचा अंतिम तपासणी अहवाल येईपर्यंत संबंधित आइसक्रीम पार्लर बंद ठेवण्याचे आदेश देण्यात आले असून त्यानंतर पुढील निर्णय घेतला जाणार आहे.