'शर्करावगुंठित'.., विद्यानंद बापटांनी पेटऱ्यातून नवा शब्द काढला, अर्थ आहे तरी काय?

हेही वाचा : Election Survey: महाराष्ट्राच्या अगदी शेजारच्या राज्यात काँग्रेस देणार जबरदस्त टक्कर, BJP चा मार्ग कठीण; पण...

'शर्करावगुंठित' या शब्दाचा अर्थ काय? 

सणांच्या नावाखाली सार्वजनिक ठिकाणी जो धुडगूस घातला जातो आणि ध्वनी प्रदूषण केले जाते, त्याला धार्मिक वलय किंवा आवरण देण्याच्या प्रवृत्तीवर बापटांनी बोट ठेवले. याविषयी बोलताना त्यांनी स्पष्ट केले की, जेव्हा एखादी वाईट गोष्ट किंवा नियमबाह्य कृती उघडपणे युक्तिवादाने पटवून देता येत नाही, तेव्हा त्याला धर्माचा आधार दिला जातो. इंग्रजीत ज्याला 'शुगर कोटेड' किंवा साखरेचे आवरण दिलेले म्हणतात, त्याच गोष्टीसाठी त्यांनी 'शर्करावगुंठित' हा मराठी शब्द वापरला आहे. धर्मस्वातंत्र्याचा अधिकार प्रत्येकाला आहे, मात्र या स्वातंत्र्याच्या नावाखाली इतर नागरिकांच्या शांततेत जगण्याच्या अधिकारावर गदा आणली जाणे पूर्णपणे अयोग्य असल्याचे त्यांनी सांगितले.

हेही वाचा : Personal Finance: CTC मोठा, पण हातात पगार कमी! Salary Slip मधील हे आकडे समजून घ्या

डीजेच्या अतिवापरामुळे सर्वसामान्य नागरिकांना नाहक त्रास

उत्सव आणि सार्वजनिक मिरवणुकांमध्ये डिजे किंवा कृत्रिम ध्वनिवर्धन यंत्रांच्या अतिवापरामुळे सर्वसामान्य नागरिकांना नाहक त्रास सहन करावा लागतो. पूर्वीच्या काळी असणारी संस्कृती आणि आजचे उत्सवांचे रूप यामध्ये खूप मोठा फरक पडला असून, आता केवळ शक्तीप्रदर्शन आणि धाकधपटशा याद्वारे वातावरण दूषित केले जात आहे. या सर्व प्रकारांना विरोध करताना कोणताही डर वाटत नसल्याचे सांगत, नागरिकांनी आपल्या मूलभूत हक्कांसाठी आणि शांततेसाठी पुढे येण्याची गरज त्यांनी बोलून दाखवली.

ही केवळ एका शहराची किंवा एका घटकाची समस्या नसून संपूर्ण महाराष्ट्रातील नागरिकांच्या जिव्हाळ्याचा प्रश्न बनला आहे. त्यामुळे भविष्यात केवळ सण-उत्सवातील वाद्यांवरच नव्हे, तर इतर सार्वजनिक क्षेत्रातील ध्वनिप्रदूषणावरही कायदेशीर आणि कठोर नियंत्रण आणणे आवश्यक असल्याचे विद्यानंद बापट यांनी शेवटी स्पष्ट केले.