नेमकी घटना काय?

5 मे 2026 रोजी सावरगाव येथील पीडित मुलगी घरी एकटी असताना, तिचे आई-वडील मजुरीसाठी बाहेर गेले होते. याचाच फायदा घेऊन आरोपी जगराम आडे याने घरात शिरून तिच्यावर अत्याचार केला आणि कोणाला सांगितल्यास जीवे मारण्याची धमकी दिली. घडलेली घटना पीडितेने पालकांना सांगितल्यानंतर 9 मे रोजी चान्नी पोलीस ठाण्यात तक्रार दाखल करण्यात आली. पोलिसांनी तात्काळ भारतीय न्याय संहिता (BNS) आणि पॉक्सो कायद्यांतर्गत गुन्हा दाखल केला.

हे ही वाचा : 'ती' मुलाला शाळेत सोडवून घरी येत होती, भाजप नेत्याने भर रस्त्यात अडवून केलं नको 'ते'

पोलिसांपुढे होते मोठे आव्हान

या प्रकरणाचे गांभीर्य ओळखून पोलीस अधीक्षक अर्चित चांडक यांनी तपासासाठी विशेष टीम तयार करण्याचे निर्देश दिले. मात्र, आरोपीकडे मोबाईल नव्हता, पोलिसांकडे त्याचा कोणताही फोटो उपलब्ध नव्हता आणि सर्वात मोठे आव्हान म्हणजे 20-25 किलोमीटरचा घनदाट जंगल परिसर. आरोपीला या भौगोलिक परिस्थितीची खडान् खडा माहिती असल्याने तो पोलिसांना हुलकावणी देत होता.

हे ही वाचा : Maharashtra SSC Class 10 result: मोठी बातमी.. दहावीच्या निकालाची तारीख अखेर जाहीर, 'ही' आहे लिंक

105 जवान आणि 'ऑपरेशन सावरगाव'

आरोपीला पकडण्यासाठी 105 पोलीस कर्मचाऱ्यांचे विशेष पथक तयार करण्यात आले. यामध्ये स्थानिक गुन्हे शाखेची 3 पथके, चान्नी पोलीस, आरसीपीच्या 2 तुकड्या, 2 श्वान पथकं आणि 4 ड्रोन कॅमेऱ्यांची मदत घेण्यात आली. 6 आणि 7 मे रोजी भर उन्हात पोलिसांनी वसाली, नवेगाव, पांगरताटी आणि शेकापूरच्या जंगलात पायी सर्च ऑपरेशन राबवले. अखेर 7 मे रोजी वनविभाग आणि गावकऱ्यांच्या मदतीने आरोपीला सावरगावच्या जंगलातून झडप घालून अटक करण्यात आली.

हे ही वाचा : नव्या प्रेयसीसोबत ex गर्लफ्रेंडच्या घरी गेला, माफी मागणारच इतक्यात..., जीव गमावला!

30 दिवसांत आरोपपत्र दाखल करणार

पोलीस अधीक्षक अर्चित चांडक, अपर पोलीस अधीक्षक बी. चंद्रकांत रेड्डी आणि सहायक पोलीस अधीक्षक निखिल पाटील यांच्या मार्गदर्शनाखाली ही कारवाई करण्यात आली. या प्रकरणात कोणताही कमकुवत दुवा राहू नये यासाठी फॉरेन्सिक तपासणीवर भर दिला जात असून, पुढील ३० दिवसांत न्यायालयात दोषारोपपत्र (चार्जशीट) दाखल करण्यात येईल, जेणेकरून पीडितेस जलद न्याय मिळेल, असा विश्वास पोलिसांनी व्यक्त केला आहे. या कारवाईमुळे गुन्हेगारांमध्ये दहशतीचे वातावरण निर्माण झाले आहे.