भाऊ गेला की वहिनीच्या खोलीत जायचा दीर अन्... एक दिवस पतीला खरं समजलं, पण...

पटना शहरातील बख्तियारपुर पोलीस स्टेशन परिसरात ही घटना घडल्याची माहिती मिळाली आहे. रवाइच गावाचा रहिवासी असलेला धीरज कुमार अशी मृतदेहाची ओळख पटवण्यात आली आहे. पोलिसांनी या प्रकरणातील आरोपी पत्नीला अटक केली असून आरोपी महिलेचा दिर फरार असल्याचं सांगितलं जात आहे. 

पत्नीने केला मोठा खुलासा

मिळालेल्या माहितीनुसार, नालंदा आणि पटणाच्या सीमेवर असलेल्या धोबा नदीत एक मृतदेह आढळल्याची माहिती पोलिसांना मिळाली. मृतदेहाची ओळख पटल्यानंतर पोलिसांनी धीरजच्या कुटुंबीयांची चौकशी करण्यास सुरूवात केली. यादरम्यान, मृताची पत्नी शालू कुमारी हिच्या जबाबात बरेच विरोधाभास समोर येऊ लागले. पोलिसांनी तिची काटेकोरपणे चौकशी केल्यानंतर तिच्याकडून एका धक्कादायक गोष्टीचा खुलासा करण्यात आला. 

दिरासोबत मिळून रचला हत्येचा कट 

चौकशीदरम्यान आपल्या चुलत दिरासोबत प्रेमसंबंध असल्याचं शालूने सांगितलं. तिचा भाऊ कामानिमित्त बाहेर गेल्यानंतर दोघेही एकट्यात भेटू लागले. शालूचा पती धीरजला हे कळताच तो त्याच्या पत्नीवर प्रचंड रागावला. यानंतर, आरोपी शालूने आपल्या दिरासोबत मिळून पतीचा काटा काढायचा कट रचला. 

हे ही वाचा: सावित्री नदीवरील पुलासारखी भयंकर घटना, गुजरातमध्ये पूल कोसळला अन् गाड्या गेल्या वाहून 'एवढ्या' लोकांचा मृत्यू

अशी केली हत्या...

पोलिसांनी दिलेल्या माहितीनुसार, शालूने तिचा प्रियकर म्हणजेच चुलत दिरासोबत हत्येचा कट रचून धीरजला नालंदा फोरलेनकडे बोलवले. वाटेत गाडी थांबवून धीरजला गोळी घालण्यात आली आणि नंतर मृतदेह पोत्यात भरून तो नदीत फेकण्यात आला. चौकशीदरम्यान शालूने पोलिसांसमोर तिच्या पतीच्या हत्येचा कट रचून त्याची हत्या केल्याची कबुली दिली आहे.

हे ही वाचा:  विवाहित घर मालकिणीसोबत राहुलचे अनैतिक संबंध, 'या' बाईने केलंय डोकं हलवून टाकणारं काम!

आरोपी पत्नी पोलिसांच्या ताब्यात तर दुसरा फरार 

या संपूर्ण प्रकरणात, शालूने तिच्या पतीची मालमत्ता हडप करण्यासाठी हा कट रचला असावा, असा पोलिसांना संशय आहे. डीएसपी अभिषेक कुमार सिंह यांच्या मते, या प्रकरणात अनैतिक संबंधांव्यतिरिक्त मालमत्तेचा वाद हे देखील हत्येचे एक कारण असू शकतं. पोलिसांनी आरोपी पत्नी शालू कुमारीला अटक केली आहे. तसेच, तिचा प्रियकर म्हणजेच तिचा चुलत दिर अजूनही फरार आहे. आरोपीचा शोध घेण्यासाठी पोलीस छापे टाकत असल्याची माहिती समोर आली आहे.