शैक्षणिक पात्रता

या पदासाठी आवश्यक असलेल्या शैक्षणिक पात्रतेनुसार, उमेदवाराकडे मान्यताप्राप्त विद्यापीठ किंवा संस्थेतून इन्फॉर्मेशन टेक्नॉलॉजी, कॉम्प्युटर सायन्स, इलेक्ट्रॉनिक्स अँड कम्युनिकेशन्स, डेटा सायन्स, किंवा आर्टिफिशियल इंटेलिजन्स यांपैकी कोणत्याही शाखेतील इंजिनिअरिंगची पदवी असणे अनिवार्य आहे. विशेष म्हणजे, जे उमेदवार सध्या अभियांत्रिकी पदवीच्या अंतिम वर्षात शिकत आहेत आणि ज्यांचे अंतिम निकाल अद्याप जाहीर झालेले नाहीत, ते देखील या भरतीसाठी अर्ज करू शकतात; मात्र त्यांनी इतर सर्व आवश्यक पात्रता अटी पूर्ण करणे गरजेचे आहे.

हे ही वाचा : पुण्याच्या तळेगाव दाभाडे परिसरात रस्ता फोडून उसळला पाण्याचा फवारा, Video व्हायरल

वेतन किती मिळणार?

निवड झालेल्या उमेदवारांना 'IHMCL' मध्ये आकर्षक वेतनश्रेणी दिली जाणार आहे. 'सिस्टम्स इंजिनियर' या पदासाठी 'E-2 Grade' अंतर्गत 50,000 ते 1,60,000 रुपये या दराने वेतन निश्चित करण्यात आले आहे. नोकरीच्या सुरुवातीला 50,000 रुपयांच्या मूळ वेतनासह महागाई भत्ता, कॅफेटेरिया भत्ता आणि घरभाडे भत्ता मिळून एकूण अंदाजे 1,00,000 रुपये प्रतिमहिना वेतन मिळेल.

हे ही वाचा :  मुंबईची खबर : मुसळधार पावसाचा आणखी एक बळी, आतापर्यंत किती मुंबईकरांनी गमावले प्राण?

अर्ज करण्याची अंतिम मुदत

या पदांसाठी ऑनलाईन नोंदणीला 4 जुलैपासून सुरुवात झाली आहे. पात्र आणि इच्छुक उमेदवारांना अर्ज करण्यासाठी 2 ऑगस्टपर्यंत अंतिम मुदत देण्यात आली आहे. उमेदवारांना अधिकृत संकेतस्थळावर जाऊन अंतिम तारखेपूर्वी आपला अर्ज सादर करावा लागेल. अधिकृत जाहिरात, रिक्त जागांचा तपशील आणि अर्ज करण्याची सविस्तर पद्धत यासंबंधीची संपूर्ण माहिती कंपनीच्या अधिकृत वेबसाईटवर (ihmcl.co.in) उपलब्ध करून देण्यात आली आहे.