LIVE: मुंबईत भाविकांचा महासागर अन् ‘मोरया’चा गजर! पाहा घरबसल्या लालबागच्या राजाची विसर्जन मिरवणूक

लालबागच्या राजाची मिरवणूक LIVE कुठे पाहता येईल?

लालबागचा राजा सार्वजनिक गणेशोत्सव मंडळाकडून लालबागच्या राजाचे ऑनलाइन थेट दर्शन उपलब्ध करून देण्यात आले आहे. मंडळाच्या अधिकृत माहितीनुसार, भाविकांना अधिकृत YouTube, Facebook, Instagram, X, वेबसाइट आणि मोबाइल अॅपच्या माध्यमातून बाप्पाचे दर्शन घेता येते. 

लालबागच्या राजाचे LIVE दर्शन:

मिरवणुकीत मोठी गर्दी

लालबागच्या राजाच्या विसर्जन मिरवणुकीसाठी सकाळपासूनच लालबाग परिसरात भाविकांची मोठी गर्दी झाली आहे. बाप्पाला अखेरचा निरोप देण्यासाठी मुंबईकर मोठ्या संख्येने रस्त्यावर उतरले आहेत. मिरवणूक पुढे गिरगाव चौपाटीच्या दिशेने मार्गस्थ होत असून, विसर्जन सोहळा हा गणेशोत्सवातील सर्वात भावनिक क्षणांपैकी एक मानला जातो.

हे ही वाचा>> गणरायाला निरोप देताना डोळे पाणावणार, आज अनंत चतुर्दशी; विसर्जनासाठी 'हा' शुभ मुहूर्त

घरबसल्या घेता येणार बाप्पाचे दर्शन

लालबागच्या राजाच्या प्रत्यक्ष दर्शनासाठी प्रचंड गर्दी होत असल्याने प्रत्येक भाविकाला मिरवणुकीत सहभागी होणे शक्य नसते. अशा भाविकांसाठी मंडळाच्या ऑनलाइन प्लॅटफॉर्मवरून LIVE दर्शन पाहण्याची सुविधा उपलब्ध आहे. त्यामुळे मुंबईबाहेर असलेले गणेशभक्तही या ऐतिहासिक विसर्जन मिरवणुकीचे क्षण घरबसल्या पाहू शकतात. 

लालबागच्या राजाचा विसर्जन सोहळा का खास? 

लालबागचा राजा हा मुंबईतील सर्वाधिक लोकप्रिय गणेश मंडळांपैकी एक आहे. यंदाचा गणेशोत्सव 14 सप्टेंबरपासून 25 सप्टेंबरपर्यंत साजरा करण्यात आला. अनंत चतुर्दशीला बाप्पाच्या विसर्जन मिरवणुकीने या उत्सवाची सांगता होत आहे.

हे ही वाचा>> भिडे वाड्याची संकल्पना, फुले दाम्पत्याचा संघर्ष; म्हारळच्या सरपंचांचा बाप्पासाठी खास देखावा

गणपती बाप्पा मोरया, पुढच्या वर्षी लवकर या!' च्या जयघोषात लालबागचा राजा गिरगाव चौपाटीच्या दिशेने मार्गस्थ होत असताना, या भव्य सोहळ्याचे LIVE क्षण तुम्ही घरबसल्या पाहू शकता.