पाच हजार रुपये देऊन घेतले विष

आशिष शेडमाके व आर्या जयंत बाल्लावार यांचे प्रेमसंबंध होते. या संबंधाची चाहूल आर्याच्या वडिलांना लागली होती. यावरून वडील आर्यासोबत वाद घालत तिला मारहाण करीत होते. यामुळे आशिष व आर्याने जयंत बाल्लावार यांना विष देत ठार मारण्याचे ठरविले. मात्र विष कुठून घ्यायचे असा प्रश्न आशिष पुढे उभा राहिला. त्याने याकरिता मावशीच्या अल्पवयीन मुलाला हाताशी धरत 22 वर्षीय चैतन्य सचिन गेडाम (राहणार भद्रावती, चंद्रपूर) याच्याकडून विष विकत घेतले. 24 एप्रिल 2023 ला चैतन्यने आशिषला काचेच्या बाटलीत विष आणून दिले. त्यासाठी आशिषने  5 हजार रुपये दिले.

हे ही वाचा : सांगली : चोरीच्या संशयातून बापाने पोटच्या मुलींना रात्रभर उलटे टांगले, पाणी, पाणी म्हणून ओरडत राहिल्या; एकीचा तडफडून मृत्यू

मिल्कशेकमध्ये मिसळून वडिलांना दिला

25 एप्रिल 2023 ला आर्याने वडील जयंत बाल्लावार यांना मिल्कशेकमध्ये विष टाकत ते पिण्यासाठी दिले. मिल्कशेक पिल्यावर जयंत बाल्लावार हे ड्युटीवर जाण्यासाठी प्रशासकीय भवन मध्ये गेले असता त्याठिकाणी त्यांना चक्कर आली. नागरिकांनी त्यांना उपचारासाठी सामान्य रुग्णालयात दाखल केले. डॉक्टरांनी त्यांना तपासत मृत घोषित केले. विशेष म्हणजे चौकशीवेळी आर्याने पोलिसांना खोटी साक्ष दिली होती.

हे ही वाचा : मुंबई : प्रियकराने प्रेयसीसमोर केलं मैत्रिणीच्या केसांचं कौतुक, प्रेयसी मध्यरात्री थेट मैत्रिणीच्या घरात घुसली अन्...

तीन वर्षांनी 'असं' बाहेर आलं प्रकरण

या तीन वर्षात आशिष आणि आर्यामध्ये अनेकदा वाद होऊ लागले. शेवटी या वादाला कंटाळून आशिषने याबाबत रामनगर पोलीस स्टेशनमध्ये तक्रार अर्ज देत या प्रकरणाचा उलगडा केला. आशिषने हा उलगडा का केला याविषयी रामनगर पोलीस स्टेशनचे पोलिस उपनिरीक्षक दराडे यांनी सांगितले की, '2022 पासून आशिष व आर्याचे प्रेमसंबंध होते, त्याबाबत वडिलांना चाहूल लागली. यामुळे 2023 मध्ये दोघांनी मिळून वडिलांचा काटा काढला. त्यानंतर आर्या व आशिष हे दोघे 1 ते 2 वर्षे प्रेमाच्या आणाभाका घेत राहिले, त्यांनतर दोघांमध्ये वाद सुरु झाले. यामुळे सततच्या वादाला कंटाळून 3 वर्षांपूर्वीची घटना आशिषने उघडकीस आणली.' आशिष व आर्या हे 2025 मध्ये चंद्रपूर पोलीस दलात दाखल झाले होते. दोन महिन्यांपूर्वी त्यांची ट्रेनिंग संपली होती.

चौघेजण ताब्यात

रामनगर पोलिसांनी या प्रकरणात आशिष महेश शेडमाके, चैतन्य उर्फ मोंटी सचिन गेडाम, महिला पोलीस अंमलदार आर्या जयंत बाल्लावार, विधिसंघर्ष मुलावर यांच्यावर कट रचून जयंत बाल्लावार याना ठार करीत पुरावा नष्ट केल्याप्रकरणी कलम 120 (ब), 302, 201 व 34 अन्वये गुन्हा दाखल करण्यात आला असून आरोपीना अटक करण्यात आली आहे. न्यायालयाने चारही आरोपींना एका दिवसाची पोलीस कोठडी सुनावली आहे.