या प्रक्रियेत राज्यातील एकूण 9.78 कोटी मतदारांपैकी निवडणूक आयोगाने आतापर्यंत 7.69 कोटी (78.64%) मतदारांची माहिती डिजिटल स्वरूपात अपडेट केली आहे, मात्र 2.7 कोटी (21.25%) मतदारांचे फॉर्म प्राप्त न झाल्यामुळे त्यांची नावे पहिल्या टप्प्यात मतदार यादीतून वगळली गेली आहेत. निवडणूक आयोगाने या वगळण्यात आलेल्या मतदारांना ASD (Absent, Shifted, Duplicate) आणि Dead या वर्गवारीत टाकले आहे. यामध्ये सुमारे 37.94 लाख मृत मतदार, 6.36 लाख पत्ता न सापडलेले मतदार आणि 71.98 लाख कायमस्वरूपी स्थलांतरित झालेले मतदार आहेत. 

पुढं काय होणार?

विशेष म्हणजे ग्रामीण भागात ही प्रक्रिया 100% पूर्ण झाली असली तरी ठाणे, पुणे, मुंबई आणि मुंबई उपनगर या चार जिल्ह्यांमध्ये बीएलओ द्वारे अर्ज गोळा करण्याचे काम मोठ्या प्रमाणावर अपूर्ण राहिले आहे, जिथे मुंबई उपनगरात 39.48%, ठाण्यात 38.77%, मुंबई शहरात 37.57% आणि पुण्यात 31.92% मतदारांचे अर्ज गोळा झालेले नाहीत.

दरम्यान, जर तुमचे नाव एसआयआरच्या पहिल्या यादीत नसेल, तर ते कायमचे रद्द झालेले नाही कारण निवडणूक आयोगाच्या वेळापत्रकानुसार 24 ऑगस्ट 2026 ला प्रारूप मतदार यादी प्रसिद्ध होणार असून, 24 ऑगस्ट ते 23 सप्टेंबर 2026 या कालावधीत नागरिकांना आपल्या हरकती व दुरुस्त्या नोंदवता येणार आहेत. यानंतर 27 ऑक्टोबर 2026 रोजी अंतिम मतदार यादी पब्लिश केली जाईल. 

हे ही वाचा : शिवसेना सुनावणी LIVE: ठाकरेंनी पुन्हा नार्वेकरांना घेरलं, सिब्बलांचा घणाघाती युक्तिवाद सुरू

विरोधकांचा सवाल

या संपूर्ण प्रकारामुळे राजकीय वातावरणही तापले असून 2019 ते 2024 या पाच वर्षांत 32 लाख मतदार वाढले असताना 2024 च्या लोकसभा ते विधानसभा या अवघ्या पाच महिन्यांच्या काळात 39 लाख मतदार कसे वाढले असा सवाल विरोधकांनी केला आहे. तसेच एसआयआरची पडताळणी 2002-2004 च्या याद्यांनुसार केली जात असल्याने ज्यांच्या पूर्वजांचे नाव त्यात नाही, त्यांना जुने पुरावे द्यावे लागणार असल्याने ही प्रक्रिया अत्यंत किचकट झाली आहे.

हे ही वाचा : मनोज जरांगेंचा तगडा डाव, समाजाच्या मागण्यांसाठी मुंबईत एल्गार? तारीख ठरली

अधिकृत माहिती कशी मिळवाल?

मतदार यादीतील नाव पडताळणी, नोंदणी आणि प्रक्रियेशी संबंधित अधिकृत माहितीसाठी नागरिकांनी Chief Electoral Officer, Maharashtra पोर्टलला भेट द्यावी किंवा नाव तपासणीसाठी Election Commission of India Voters Service Portal चा वापर करावा.