Maharashtra Weather: रायगड, रत्नागिरीसह कोकणात मेघगर्जनेसह पावसाचा धुमाकूळ, पाहा कसं असेल हवामान

Maharashtra Weather : भारतीय हवामान खात्याने (IMD) 4 सप्टेंबर रोजी राज्यात पावसाचा जोर कायम राहण्याची हवामान विभागाने शक्यता वर्तवली आहे. तर मान्सूनचा प्रवाह हा हळूहळू दक्षिणेकडे सरकत असल्याने राज्यात हलका ते मध्यम स्वरुपाच्या पावसाची शक्यता आहे. तर काही ठिकाणी हलक्या ते मध्यम स्वरुपाच्या पावसाची नोंद वर्तवण्यात आली आहे.

हे ही वाचा :  कुटुंबातील सदस्य झोपले होते गाढ, तरुणीची सटकली अन् थेट वडिलांच्या डोक्यात हातोड्यानं केला हल्ला, 'त्या' रात्री काय घडलं?

कोकण विभाग :

कोकण विभागासह घाटमाथ्यावर हवामान विभागाने पावसाची शक्यता वर्तवली आहे. यामध्ये प्रामुख्याने रत्नागिरी, रायगड आणि सिंधुदुर्गात जोरदार पावसाचा अंदाज जारी करण्यात आला आहे. कोकण भागातील रत्नागिरी आणि रायगडमध्ये हवामान विभागाने पावसाचा ऑरेंज अलर्ट जारी केला आहे. तर सिंधुदुर्गात पावसाचा येलो अलर्ट जारी करण्यात आला आहे.

मध्य महाराष्ट्र : 

मध्य महाराष्ट्रातील पुणे, सातारा, आणि कोल्हापूर येथे हलका ते मध्यम पावसाचा हवामान विभागाने अंदाज जारी केला आहे. तसेच तुरळक ठिकाणी मुसळधार पावसाची शक्यता आहे. पुणे आणि सातारा घाटमाथ्यावर पावसाचा येलो अलर्ट जारी करण्यात आला आहे.

मराठवाडा : 

मराठवाड्यातील छत्रपती संभाजीनगर, जालना, आणि नांदेड येथे हलका ते मध्यम पाऊस पडेल, काही ठिकाणी विजांच्या कडकडाटासह पाऊस होण्याची शक्यता आहे. संभाजीनगर, जालना येथे हवामान विभागाने पावसाचा येलो अलर्ट जारी केला आहे.

हे ही वाचा :  दोन्ही भावांनी टॉवेलनं महिलेचा गळा आवळला, नंतर पतीच्या डोळ्यादेखतच पत्नीची अब्रु लुटली, नेमकं काय घडलं?

विदर्भ आणि उत्तर महाराष्ट्र : 

विदर्भातील नागपूर, भंडारा आणि गोंदियात मध्यम स्वरुपाचा पाऊस कोसळण्याची हवामान विभागने शक्यता जारी केली केली आहे. तर उत्तर महाराष्ट्रातील नाशिक आणि जळगावात हलक्या ते मध्यम स्वरुपाच्या पावसाची शक्यता आहे. तर काही ठिकाणी ढगाळ वातावरणाची स्थिती निर्माण झाली आहे. तर तुरळक ठिकाणी पावसाची शक्यता आहे.