Maharashtra Weather : दिवाळी सणावर पावसाचं सावट, राज्यातील 'या' जिल्ह्यांना येलो अलर्ट

हे ही वाचा : तरुणाने तरुणीला विवाहास दिला नकार, तरूणी घर सोडून गेली, अखेर तलावात उडी घेत... जालना हादरलं!

कोकण विभाग : 

कोकण विभागातील रायगड, रत्नागिरी, सिंधुदुर्ग, पालघर आणि ठाणे जिल्ह्याचा समावेश होतो. या एकूण जिल्ह्यांपैकी पालघर जिल्ह्यांमध्ये हलक्या पावसाचा अंदाज आहे, तसेच  रायगड, रत्नागिरी, सिंधुदुर्ग आणि ठाणे जिल्ह्यात हवामान विभागाने तुरळक ठिकाणी विजांच्या कडकडाटासह पावसाचा अंदाज वर्तवला आहे. तसेच या विभागात येलो अलर्ट जारी केला आहे. 

मध्य महाराष्ट्र : 

मध्य महाराष्ट्रातील धुळे, नंदुरबार, जळगाव या जिल्ह्यांमध्ये हलक्या पावसाचा अंदाज आहे. तसेच नाशिक, अहिल्यानगर, पुणे, सातारा आणि सांगली जिल्ह्यात हवामान विभागाने तरुळक ठिकाणी विजांच्या कडकडाटासह वादळ वारे आणि हलक्या पावसाचा अंदाज आहे, तसेच या विभागात पावसाचा येलो अलर्ट जारी केला आहे. 

मराठवाडा विभाग : 

मराठवाड्यातील धुळे ,  छत्रपती संभाजीनगर, जालना, परभणी  या जिल्ह्यात कोरडं हवामानाचा अंदाज आहे. तसेच बीड, परभणी या जिल्ह्यांमध्ये हवामान विभागाने हलक्या पावसाचा अंदाज जारी केला आहे.तसेच बीड, लातूर, नांदेड आणि धाराशीव जिल्ह्यात हवामान विभागाने येलो अलर्ट जारी केला आहे. 

हे ही वाचा : ऐन दिवाळीत कोल्हापूर-राधानगरी रस्त्यावर भीषण अपघात, भाऊबीजेपूर्वी भावासह बहिणीचा चिरडून मृत्यू

विदर्भ विभाग : 

राज्यातील विदर्भात अमरावती, बुलढाणा, चंद्रपूर, गडचिरोली, गोंदिया, नागपूर, वर्धा, वाशिम, यवतमाळ जिल्ह्यांचा समावेश होतो. या  जिल्ह्यांपैकी वाशिम वगळता इतर जिल्ह्यांमध्ये कसलाही अलर्ट जारी केला नाही. तसेच वाशिम जिल्ह्यात येलो अलर्ट जारी केला आहे.